ତ୍ରୁଟିର ସମାଧାନ ନହେବାରୁ ଇସ୍ତଫା ଦେଇଥିଲି: ଅଶୋକ ମିଶ୍ର

ଝାରସୁଗୁଡ଼ା(ବଡ଼ ଖବର ବ୍ୟୁରୋ): ଇସ୍ତଫା ପତ୍ର ପ୍ରତ୍ୟାହାର କଲେ ଝାରସୁଗୁଡ଼ା ଜିଲ୍ଲା ସଭାପତି ।ଗତକାଲି ଝାରସୁଗୁଡା ଜିଲ୍ଲା କଂଗ୍ରେସ ସଭାପତି ଅଶୋକ ମିଶ୍ର ନିଜ ପଦରୁ ଇସ୍ତପା ଦେଇଥିଲେ । ସନ୍ଧ୍ୟାରେ ଇସ୍ତଫା ପତ୍ର ପ୍ରତ୍ୟାହାର କରିନେଇଛନ୍ତି ଅଶୋକ । ନିଜର ଇସ୍ତଫା ପତ୍ର ପ୍ରତ୍ୟାହାର କରିବାପରେ ସେ ପୁଣି ଜିଲ୍ଲା କଂଗ୍ରେସର ସଭାପତି ଦାୟିତ୍ୱ ତୁଲାଇବେ ବୋଲି କହିଛନ୍ତି । ନିର୍ବାଚନରେ କଂଗ୍ରେସର ରଣନୀତିକୁ ନେଇ ଅସନ୍ତୋଷ ପ୍ରକାଶ କରି ସେ ତାଙ୍କ ପଦବୀରୁ ଇସ୍ତଫା ଦେଇଥିଲେ । ତେବେ ପିସିସି ସଭାପତିଙ୍କ ସହ ଆଲୋଚନା ପରେ ସାମ୍ବାଦିକ ସମ୍ମିଳନୀ କରି ଇସ୍ତଫା ପତ୍ର ପ୍ରତ୍ୟାହାର କରିଛନ୍ତି ।

ସାମ୍ବାଦିକ ସମ୍ମିଳନୀରେ କଂଗ୍ରେସ ନିଜର ନିର୍ବାଚନ ମୁଦ୍ଦା ବିଷୟରେ କହିଛି । ସ୍ଥାନୀୟ ନିଯୁକ୍ତି, ଜିଲ୍ଲା ଆଇନ ଶୃଙ୍ଖଳା ବ୍ୟବସ୍ଥା, ଶିକ୍ଷା, ସ୍ୱାସ୍ଥ୍ୟ ବ୍ୟବସ୍ଥା ବିପର୍ଯ୍ୟସ୍ତ ରହିଛି। ଏ ସମସ୍ତ ସମସ୍ୟାର ସମାଧାନ କରିବା ହିଁ ଦଳର ମୂଳ ପ୍ରସଙ୍ଗ ବୋଲି କଂଗ୍ରେସ ପକ୍ଷରୁ କୁହାଯାଇଛି । ଅନ୍ୟପଟେ ଦିନେ ଟଙ୍କଧର ତ୍ରିପାଠୀ ସୁନ୍ଦରଗଡ଼ରେ ଝାରସୁଗୁଡ଼ା ପିଲାଙ୍କ ନିଯୁକ୍ତିକୁ ବିରୋଧ କରିଥିଲେ। କିନ୍ତୁ ସେ କିପରି ଝାରସୁଗୁଡ଼ାରୁ ନିର୍ବାଚନ ଲଢୁଛନ୍ତି ବୋଲି କଂଗ୍ରେସ ପ୍ରଶ୍ନ କରିଛି। ବିଜେଡି ସମୟରେ ଆଇନ ଶୃଙ୍ଖଳା ପରିସ୍ଥିତି ଜିଲ୍ଲାପରେ ସମ୍ପୂର୍ଣ୍ଣ ଭୁଷୁଡି ପଡିଥିବା ଦଳ ଅଭିଯୋଗ କରିଛି ।