ଭାଗଚାଷୀଙ୍କ ଉପରେ ଆକ୍ରମଣ, ଧାନ କାଟି ନେବା ସହିତ ମାଡ଼ ମାରିଲେ ଜମି ମାଲିକଙ୍କ ୫ ଝିଅ

https://youtu.be/av_DDpw5Qxc

ଚାନ୍ଦବାଲି (ବଡ଼ ଖବର ବ୍ୟୁରୋ): ଭାଗଚାଷୀଙ୍କ ଉପରେ ଆକ୍ରମଣ । ଭାଗଚାଷୀ ସୁସମା ମହିଳାଙ୍କୁ ଆକ୍ରମଣ କଲେ ଜମି ମାଲିକଙ୍କ ୫ ଝିଅ । ଏଭଳି ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ତିହିଡି ଥାନା ଅଧିନ ଝିଙ୍କିରିଆ ଗ୍ରାମରେ । ଜମି ମାଲିକଙ୍କ ପରିବାରରେ ସମ୍ପତ୍ତି ଭାଗବଣ୍ଟାକୁ ନେଇ ଘରୋଇ ବିବାଦ ଲାଗିରହିଥିବା ବେଳେ ଭାଗଚାଷ କରିଥିବା ଚାଷୀର ଧାନ ଜବରଦସ୍ତ କାଟି ଆଣିଛନ୍ତି ଜମି ମାଲିକଙ୍କ ୫ ଝିଅ । ଏହା ସହିତ ଭାଗଚାଷୀଙ୍କୁ ମାଡ଼ ମଧ୍ୟ ମାରିଥିବା ଅଭିଯୋଗ ହୋଇଛି । ଜମି ମାଲିକ ସ୍ୱର୍ଗତଃ ବଟକୃଷ୍ଣ ପଣ୍ଡାଙ୍କ ପୁଅ ଝିଅଙ୍କ ମଧ୍ୟରେ ଜମି ବାଡି ଭାଗବଣ୍ଟାକୁ ନେଇ କୋର୍ଟରେ କେସ୍ ବିଚାରଧିନ ଥିଲା । ବିବାହିତ ୫ ଝିଅ ଆସି ଭାଗଚାଷ କରିଥିବା ସୁସମା ମହିଳାଙ୍କ ଧାନ କାଟିନେବା ସହିତ ମାଡ ମାରିଥିଲେ । ବାଡିରେ ଲାଗିଥିବା ରବି ଫସଲରେ ଲୁଣ ପକାଇ ସମ୍ପୂର୍ଣ୍ଣ ନଷ୍ଟ କରିଦେଇଥିଲେ। ଏନେଇ ଭାଗଚାଷୀ ସୁସମା ମହିଳା ତିହିଡି ଥାନରେ ଏକ ଲିଖିତ ଅଭିଯୋଗ କରିଥିଲେ । ଅଭିଯୋଗ ମୁତାବକ ତିହିଡି ପୋଲିସ ରେବତୀ କର,ସେବତୀ ପାଢ଼ୀ ମିନତୀ ପଣ୍ଡା ଓ ପାକୁ ପଣ୍ଡା ୪ଭଉଣୀଙ୍କ ନାମରେ ମାମଲା ରୁଜୁ କରିଛି ।