ବଡ଼ ଖବର ପ୍ରଭାବ: ପ୍ରଶାସନ ଶୁଣିଲା ଅହଲ୍ୟାଙ୍କ ଦୁଃଖ

ସୁକିନ୍ଦା (ବଡ଼ ଖବର ବ୍ୟୁରୋ): ଯାଜପୁର ଜିଲ୍ଲା ସୁକିନ୍ଦା ବ୍ଲକ ପିମ୍ଫୁଡିଆ ନୂଆଡିହ ଗାଁର ବିଧବା ଅହଲ୍ୟାଙ୍କ ଦୁଃଖଦ କାହାଣୀ ‘ବଡ଼ ଖବର’ରେ ପ୍ରକାଶ ପାଇବା ପରେ ଆଜି ତାଙ୍କୁ ଭେଟିଛନ୍ତି ସୁକିନ୍ଦା ବ୍ଲକ ଉପାଧ୍ୟକ୍ଷ ଦିବ୍ୟାରଂଜନ ବରାଳ । ଉପାଧ୍ୟକ୍ଷ ବରାଳ ତାଙ୍କ ଘରେ ପହଞ୍ଚି ସେମାନଙ୍କ ସମସ୍ୟା ସଂପର୍କରେ ବୁଝିବା ପରେ ଖୁବଶୀଘ୍ର ତାଙ୍କୁ ବିଧବା ଭତ୍ତା ଓ ଆବାସ ଯୋଜନାରେ ସାମିଲ୍ କରି ପକ୍କା ଘର ଏବଂ ଅନ୍ତୋର୍ଦୟ ଯୋଜନା ଜରିଆରେ ମାସିକ ୩୫ କେଜି ଚାଉଳ ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି । ଏହାସହିତ ୭ଶ୍ରେଣୀ ରୁ ପାଠଛାଡି ପାହାଡ଼ ରୁ କାଠ ଆଣି ବିକ୍ରି କରି ପରିବାର ଚଳାଉଥିବା ନାବାଳିକା ଝିଅ ସୀମା କିଭଳି ପୁନଃର୍ବାର ପାଠ ପଢିପାରିବ ସେନେଇ ମଧ୍ୟ ସେ ସୁକିନ୍ଦା ବିଧାୟକ ପ୍ରୀତିରଂଜନ ଘଡାଇଙ୍କ ସହ ଆଲୋଚନା କରିଛନ୍ତି ।