ରୁଦ୍ର ସେଜପଡାଙ୍କ ‘ଏକ ଇଡିୟଟ’କୁ ଜାତୀୟ ପୁରସ୍କାର
ବାଲେଶ୍ୱର(ବଡ଼ ଖବର ବ୍ୟୁରୋ): ପୁଣି ଥରେ ଚର୍ଚାରେ ଯୁବ ନିର୍ଦେଶକ ତଥା ଲେଖକ ରୁଦ୍ର ରଞ୍ଜନ ସେଜପଡା । ତାଙ୍କ ନିର୍ଦେଶୀତ ଏକ ଇଡିୟଟ କୁ ଜାତୀୟ ପୁରସ୍କାର ମିଳିଛି । ଦିଲ୍ଲୀ ସ୍ଥିତ ଶୋଭନା ଫିଲ୍ମ ଫେଷ୍ଟିଭାଲ-୨୦ ରେ ଛାତ୍ରଛାତ୍ରୀ ମାନଙ୍କ ମନସ୍ୱତ୍ତ୍ୱକୁ ନେଇ ନିର୍ମିତ ଏହି ଚଳଚିତ୍ର ଶେଷ୍ଠ ବିବେଚିତ ହୋଇଛି । ଏଥିରେ ଅଭିନୟ କରିଥିବା ମୁଖ୍ୟ ଚରିତ୍ରରେ ବାଲେଶ୍ୱର ଶିଶୁ କଳାକାର ହିରୋ ଓ ବବୁଲୁ ଯଥା ସତ୍ୟନାରାୟଣ ରାଉତରାୟ ଓ ରମାକାନ୍ତ ପ୍ରଧାନ ଙ୍କୁ ମଧ୍ୟ ଏଥିରେ ପୁରସ୍କୃତ କରାଯାଇଛି । ତେବେ ଏଇଠି ସୂଚନାଯୋଗ୍ୟଯେ ରୁଦ୍ର ସେଜପଡା ପୂର୍ବରୁ ସ୍ୱଚ୍ଛତାକୁ ନେଇ ଆଉ ଏକ କ୍ଷୁଦ୍ର ଚଳଚିତ୍ର ଆଇଡେଣ୍ଟିଟିକୁ ଜାତୀୟ ପୁରସ୍କାର ମିଳିଥିଲା । ରୁଦ୍ର ଏକାଧାରରେ ଜଣେ ସୁଲେଖକ ସହ ଏହିଭଳି ସମାଜର କିଛି ଘଟୁଥିବା ବାସ୍ତବ ଘଟଣାକୁ ନେଇ କ୍ଷୁଦ୍ର ଚଳଚିତ୍ର ନିର୍ମାଣ କରି ଚର୍ଚ୍ଚାରେ ରହିଆସିଛନ୍ତି ।