ଚାକିରି କରାଇଦେବା ନାଁରେ ବଡ଼ଧରଣର ଠକେଇ
ଭୁବନେଶ୍ୱର (ବଡ଼ ଖବର ବ୍ୟୁରୋ): ଚାକିରି କରାଇଦେବା ନାଁରେ ବଡ଼ଧରଣର ଠକେଇ । କେତେବେଳେ କେନ୍ଦ୍ରମନ୍ତ୍ରିଙ୍କ ପିଏ ତ କେତେବେଳେ ସେନା ଅଧିକାରୀ, ପୁଣି ଆଉ କେତେବେଳେ ଡିଆରଡିଓ କର୍ମଚାରୀ ଭାବେ ପରିଚୟ ଦେଉଥିଲେ । ଲୋକଙ୍କ ମନରେ ବିଶ୍ୱାସ ଜନ୍ମାଇବା ପରେ ସରକାରୀ ଓ ବେସରକାରୀ ସ୍ତରରେ ନିଯୁକ୍ତି ଦେବାର ପ୍ରତିଶ୍ରୁତି ଦେଉଥିଲେ । କଟକର ଅନେକ ଲୋକଙ୍କ ଠାରୁ ମୋଟ ୫୯ଲକ୍ଷ ୨୫ହଜାର ୧୦୦ ଟଙ୍କା ଲୁଟିଥିବା ଅଭିଯୋଗରେ ସାଇବର ଥାନା ପୋଲିସ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତ ହେଲେ ବ୍ରହ୍ମପୁର ବିଦ୍ୟାନାଥ ପୁର ସିଦ୍ଧାର୍ଥ ନଗର ଅଂଚଳର ସନ୍ତୋଷ ମୋହୁରି ଓରଫ ସନ୍ତୋଷ ମହାନ୍ତି ଓରଫ ହାଡିବନ୍ଧୁ । ତାଙ୍କ ଠାରୁ ଅନେକ ଗୁରୁତ୍ୱପୂର୍ଣ୍ଣ କାଗଜ ପତ୍ର ଜବତ କରାଯାଇଛି ।