ମହିଳାଙ୍କୁ ଦଳି ଦେଲା ଦନ୍ତା
ବଡ଼ବିଲ (ବଡ଼ ଖବର ବ୍ୟୁରୋ): ବଡ଼ବିଲ ରେଞ୍ଜ ଗୁଆଲି ପଞ୍ଚାୟତ ନୂଆଗାଁରେ ଅଘଟଣ । ମହିଳାଙ୍କୁ ଦଳିଦେଲା ହାତୀ । ମୃତକ ନୂଆଗାଁ ଦଳକ୍ ସାହିର ଚାମରା ମୁଣ୍ଡାଙ୍କ ସ୍ତ୍ରୀ ସୁମି ମୁଣ୍ଡା । ସୂଚନା ପାଇ ଗୁଆଲି ଫରେଷ୍ଟର ଓ ରୁଗୁଡ଼ି ପୋଲିସ୍ ଘଟଣା ସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛନ୍ତି ।
ସୂଚନା ଅନୁସାରେ ଦୁଇ ଯାଆ ସୁଲୋଚନା ମୁଣ୍ଡା ଓ ସୁମି ମୁଣ୍ଡା ସକାଳ ପ୍ରାୟ ୧୦ ଟା ସମୟରେ ପାଖ ଜଙ୍ଗଲକୁ ଦାନ୍ତକାଠି ଏବଂ ପତ୍ର ସଂଗ୍ରହ ପାଇଁ ଯାଇଥିଲେ । ଜଙ୍ଗଲରେ ଯାଉଥିବା ସମୟରେ ଏକ ଦନ୍ତା ହାତୀ ହାବୁଡରେ ପଡ଼ିଯାଇଥିଲେ ଦୁଇ ଯାଆ । ହାତୀକୁ ଦେଖି ବଡ଼ ଯାଆ ସୁଲୋଚନା ଦୌଡ଼ି ନିଜର ଜୀବନ ରକ୍ଷା କରିଥିଲାବେଳେ ସାନ ଯାଆ ସୁମି କିନ୍ତୁ ନିଜକୁ ବଞ୍ଚାଇ ପାରି ନଥିଲେ । ହାତୀ ତାଙ୍କୁ ଦଳି ଚକଟି ମାରି ଦେଇଥିଲା ।
