ବାଲେଶ୍ୱରରେ ଜମୁଛି ନିର୍ବାଚନ ପ୍ରଚାର

ବାଲେଶ୍ୱର/ବସ୍ତା, (ବଡ଼ ଖବର ବ୍ୟୁରୋ): ଉପନିର୍ବାଚନ ଯେତିକି ପାଖେଇ ଆସୁଛି ବାଲେଶ୍ୱର ସଦର ଓ ତିର୍ତ୍ତେଲରେ ରାଜନ÷ତିକ ପାଣିପାଗରେ ସେତିକ ଉଷ୍ମତା ବଢୁ଼ଛି । ଉପନିର୍ବାଚନକୁ ଆଉ ମାତ୍ର ୫ଦିନ ବାକି ରହିଛି । ବାଲେଶ୍ୱର ସଦରରେ ତିନି ପ୍ରମୁଖ ଦଳ କଂଗ୍ରେସ, ବିଜେପି ଓ ବିଜେଡି ପ୍ରାର୍ଥୀମାନେ ପଞ୍ଚାୟତ ସ୍ତରରେ ଘରଘର ବୁଲି ନିଜ ସପକ୍ଷରେ ଭୋଟ ଭିକ୍ଷା କରିବାରେ ଲାଗିପଡ଼ିଛନ୍ତି । ବିଭିନ୍ନ ଦଳର ଷ୍ଟାର ପ୍ରଚାରକମାନେ ପଞ୍ଚାୟତ ସ୍ତରରେ ସଭାସମିତି କରି ଭୋଟରମାନଙ୍କୁ ଗଦାଗଦା ପ୍ରତିଶ୍ରୁତି ଦେବା ସହ ବିଜୟୀ ହେଲେ ଗାଁ ଗଣ୍ତାର ସମସ୍ୟା ସମାଧାନ କରିବାକୁ ପ୍ରତିଶ୍ରୁତି ମଧ୍ୟ ଦେଉଛନ୍ତି । ଆଜି ବାଲେଶ୍ୱର ସଦର ନିର୍ବାଚନ ମଣ୍ତଳୀର ବାହାବଳପୁର, ପଞ୍ଚୁପଡ଼ା, ସାର୍ଥା ଏବଂ ଆଳୁମେଦା ପଞ୍ଚାୟତରେ ବିଜେପି ପକ୍ଷରୁ ବିଶାଳ ବାଇକ ରାଲି ଅନୁଷ୍ଠିତ ହୋଇଥିଲା । ଏଥିରେ ଦଳର ଷ୍ଟାର ପ୍ରଚାରକ ତଥା ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ, କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ ଯୋଗଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନାଭିମୁଖୀ ଯୋଜନା ସମ୍ପର୍କରେ ଲୋକଙ୍କୁ ବୁଝାଇବା ସହ ଦଳୀୟ ପ୍ରାର୍ଥୀ ମାନସ ଦତ୍ତଙ୍କୁ ଭୋଟ ଦେବାକୁ ନିବେଦନ କରିଥିଲେ ।