ଧରାପଡ଼ିଲେ ୩ ଜୁଆଡି

ଭୁବନେଶ୍ୱର (ବଡ଼ ଖବର ବ୍ୟୁରୋ): ପାର୍ବଣ ଋତୁରେ ସକ୍ରିୟ ହୋଇଉଠିଛନ୍ତି ଜୁଆଡି । ଦଶହରା ବଜାରରେ ମାଲାମାଲ ହେବା ପାଇଁ ଜୁଆଆଡ୍ଡାରେ ଭିଡ ଜମୁଛି । ଗାଁଠୁ ସହର ସବୁଠି ଚାଲିଛି ଖୁଲମଖୁଲା ଜୁଆଖେଳ । କୋଉଠି ପୋଲିସ ଅଜ୍ଞାତରେ ତ ପୁଣି କୋଉଠି ପୋଲିସର ଜାଣତରେ ।

ଏମତି ଏକ ଜୁଆଆଡ୍ଡା ଉପରେ ଚଢଉ କରିବା ସହ ୩ ଜଣଙ୍କୁ ଗିରଫ କରିଛି ବାଲିଅନ୍ତା ପୋଲିସ । ବଇଁଚୁଆ ହାଇସ୍କୁଲ ପରିସରରେ ଜୁଆଖେଳ ହେଉଥିବା ବେଳେ ପୋଲିସ ଚଢଉ କରିଥିଲା । ଅଭିଯୁକ୍ତମାନେ ହେଲେ ବଇଁଚୁଆ ଗାଁର ବାବାଜୀ ସାହୁ, କୈଳାଶ ସାହୁ ଏବଂ ସରୋଜ ସାହୁ । ଅଭିଯୁକ୍ତଙ୍କ ପାଖରୁ ୧୬ ହଜାର ୭ ଶହ ଟଙ୍କା, ୨ଟି ସ୍କୁଟି, ୩ ମୋବାଇଲ ଓ ୫ ପ୍ୟାକେଟ୍ ତାସ ଜବତ ହୋଇଛି ।