ଗୁଣିଗାରେଡି ମାଧ୍ୟମରେ ମୃତ ଶିଶୁ କନ୍ୟାକୁ ଜୀବିତ ଉଦ୍ୟମ
ବାଲିଆପାଳ (ବଡ଼ ଖବର ବ୍ୟୁରୋ): ବାଲେଶ୍ୱର ଜିଲ୍ଲା ବାଲିଆପାଳ ଥାନା ଗେଙ୍ଗୁଟିଆ ଗ୍ରାମରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଗୁଣି ଗାରେଡି ମାଧ୍ୟମରେ ୩ ବର୍ଷର ଶିଶୁ କନ୍ୟାକୁ ଜୀବିତ କରିବା ପାଇଁ ଗୁଣିଆର ଉଦ୍ୟମ ଜାରି । ଶ୍ମଶାନରେ ମଶାରୀ ଭିତରେ ଶିଶୁ କନ୍ୟାକୁ ରଖି ପୂଜାର୍ଚ୍ଚନା କରୁଥିବାର ଭିଡିଓ ଭାଇରାଲ ହେବାରେ ଲାଗିଛି ।
ସୂଚନା ଅନୁସାରେ ଡଗରା ବେଳାଭୂମିରେ ମହାବାରୁଣୀ ସ୍ନାନ ପାଇଁ ଶିଶୁଟିର ପରିବାର ଲୋକେ ତାକୁ ସାଙ୍ଗରେ ନେଇ ଯାଇଥିଲେ । ଘରକୁ ଫେରିବା ପରେ ଶିଶୁଟି ଅଣନିଶ୍ୱାସ ହୋଇ ପଡି ମୃତ୍ୟୁବରଣ କରିଛି । ଫଳରେ ପରିବାର ଲୋକେ ବାଲିଆପାଳର ଏକ ଗୁଣି ସାହାଯ୍ୟରେ ଶିଶୁଟିକୁ ଝଡାଫୁଙ୍କା ଏବଂ ପୂଜାର୍ଚ୍ଚନାନା କରି ବଞ୍ଚାଇବା ପାଇଁ ଉଦ୍ୟମ କରୁଛନ୍ତି ।
