ଆଜି ମହାପ୍ରଭୁଙ୍କ ବନକଲାଗି ନୀତି

ପୁରୀ (ବଡ଼ ଖବର ବ୍ୟୁରୋ): ଆଜି ମହାପ୍ରଭୁଙ୍କ ବନକଲାଗି ନୀତି । ଏହି ନୀତି ଫାଲଗୁନ କୃଷ୍ଣ ପଂଚମୀ ତିଥିରେ ବନକଲାଗି ବା ଶ୍ରୀମୁଖ ସିଂହାର ଅନୁଷ୍ଠିତ ହୋଇଥାଏ । ଏଥିପାଇଁ ୪ଘଂଟା ବନ୍ଦ ରହିବ ସାଧାରଣ ଦର୍ଶନ । ଅପରାହ୍ନ ୪ଟାରୁ ରାତି ୮ଟା ଯାଏଁ ସାଧାରଣ ଦର୍ଶନ ବନ୍ଦ ରହିବ । ସେପଟେ ଦିନକୁ ଦିନ ଶ୍ରୀମନ୍ଦିରରେ ଭକ୍ତଙ୍କ ଗହଳି ବଢୁଛି । ତେଣୁ ପୁଣିଥରେ କଟକଣା ଯୁକ୍ତ ଦର୍ଶନ ବ୍ୟବସ୍ଥା କରାଯାଇଛି ।

ଶ୍ରୀମନ୍ଦିର ୪ ଦ୍ୱାରରେ ସ୍ଥାନୀୟ ଲୋକଙ୍କୁ ପ୍ରବେଶ ପାଇଁ ବ୍ୟବସ୍ଥା ହେଉଛି । ପୂର୍ବ ପରି ଆଧାରକାର୍ଡ ଓ ପରିଚୟ ପତ୍ର ଯାଞ୍ଚ କରି ଭିତରକୁ ଦର୍ଶନ ପାଇଁ ଛଡାଯିବା ବ୍ୟବସ୍ଥା ରହିଛି । ସିଂହଦ୍ୱାର ପଟ ଦେଇ ବୁଲିବୁଲି ମହାପ୍ରସାଦ ଆଣିବାରେ ସମସ୍ୟା ହେଉଥିବା, ସାମ୍ବାଦିକ ସମ୍ମିଳନୀରେ କାଲି ସୂଚନା ଦେଇ କହିଛନ୍ତି ବିଧାୟକ ଜୟନ୍ତ ଷଡଙ୍ଗୀ ।