୧୫ରୁ ଚାଲିବ ବନ୍ଦେଭାରତ ଏକ୍ସପ୍ରେସ୍

ଭୁବନେଶ୍ୱର(ବଡ଼ ଖବର ବ୍ୟୁରୋ): ଆସନ୍ତା ୧୫ରୁ ଓଡ଼ିଶାରେ ଧାଇଁବ ବନ୍ଦେ ଭାରତ ଏକ୍ସପ୍ରେସ୍ । ହାୱଡା ଓ ପୁରୀ ମଧ୍ୟରେ ଚଳାଚଳ କରିବ ଏହି ଟ୍ରେନ । ପୂର୍ବରୁ ୨ ଥର ଟ୍ରାଏଲ ରନ୍ ହେବାପରେ ଏହି ନିଷ୍ପତ୍ତି ରେଳ ମନ୍ତ୍ରଣାୟଳ ଗ୍ରହଣ କରିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୦୧୯ ଫେବ୍ରୁଆରୀ ୧୫ରେ ବନ୍ଦେ ଭାରତ ଏକ୍ସପ୍ରେସକୁ ଶୁଭାରମ୍ଭ କରିଥିଲେ ।

ଦେଶରେ ପ୍ରଥମ ଥର ପାଇଁ ଏହି ଟ୍ରେନ୍ ନୂଆଦିଲ୍ଲୀ ଠାରୁ ବାରଣାସୀକୁ ସେବା ଯୋଗାଇଥିଲା । ସେହିଦିନ ଠାରୁ ଏପର୍ଯ୍ୟନ୍ତ ଦେଶର ୭ଟି ରୁଟରେ ଏହି ଟ୍ରେନ୍ ପରିଚାଳିତ ହେଉଛି । ଆଉ ଏବେ ଭାରତୀୟ ରେଳବାଇର ଏହି ସେମି ଦ୍ରୁତଗାମୀ ଟ୍ରେନ୍ ‘ବନ୍ଦେ ଭାରତ ଏକ୍ସପ୍ରେସ୍’ ଆସନ୍ତା ୧୫ରୁ ପୁରୀରୁ ହାୱଡା ମଧ୍ୟରେ ଚାଲିବ ।