ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଇସ୍ତଫା ଦେଲେ ବାଂଲାଦେଶ ପ୍ରଧାନମନ୍ତ୍ରୀ । ଶେଖ ହସିନା ଇସ୍ତଫା ଦେଇଥିବା ସ୍ପଷ୍ଟ କଲେ ବାଂଲାଦେଶ ସେନା ମୁଖ୍ୟ । ଢାକା ଛାଡ଼ି ଶେଖ ହସିନା ବିଦେଶ ଯାଉଥିବା ଚର୍ଚ୍ଚା ହେଉଛି । ଦୀର୍ଘଦିନ ହେଲା କ୍ଷମତାରେ ଥିବେ ଶେଖ ହସିନା ଣେ ଇସ୍ତଫା ଦେବା ସହ ପରିବାରକୁ ନେଇ ଦେଶ ଛାଡିଦେଇଛନ୍ତି । ବାଂଲାଦେଶରେ ସଂରକ୍ଷଣକୁ ନେଇ ବେଶ କିଛି ଦିନ ହେଲା ରକ୍ତାକ୍ତ ସଂଘର୍ଷ ଜାରି ରହିଥିବା ବେଳେ ଶହ ଶହ ଲୋକଙ୍କ ଜୀବନ ବି ଗଲାଣି । ଏବେ ସବୁଠୁ ବଡ କଥା ହେଉଛି ବାଂଲାଦେଶ ସେନା ଶାସନ ଭାର ନିଜ କ୍ଷମତାକୁ ନେଇଛି ।
ପ୍ରଧାନମନ୍ତ୍ରୀ ପଦରୁ ଶେଖ ହସିନା ଇସ୍ତଫା ଦେବା ପରେ ସେନା ଏବେ ଶାସନ ଭାର ହାତକୁ ନେଇଥିବା ସୂଚନା ମିଳିଛି । ଭଉଣୀ ଶେଖ ରିହାନାଙ୍କ ସହ ଦେଶ ଛାଡିଛନ୍ତି । ଏକ ସାମରିକ ହେଲିକପ୍ଟରରେ ଦେଶ ଛାଡ଼ିଥିବା ସୂଚନା ମିଳିଛି । ଏହା ସହିତ ବାଂଲାଦେଶରେ ଲାଗୁ ହୋଇଛି ସାମରିକ ଶାସନ । ଇସ୍ତଫା ଦେବା ପାଇଁ ଶେଖ ହସିନାଙ୍କ ଉପରେ ବଢ଼ୁଥିଲା ଚାପ । ସଂରକ୍ଷଣ ପ୍ରତିବାଦରେ ସାରା ଦେଶରେ ଜାରି ରହିଛି ହିଂସା । ପ୍ରଧାନମନ୍ତ୍ରୀ ଶେଖ ହସିନାଙ୍କ ଇସ୍ତଫା ଦାବିରେ ଜାରି ରହିଥିଲା ଆନ୍ଦୋଳନ । ସେପଟେ ପରିସ୍ଥିତି ଦେଖି ଭାରତ ତାର ନାଗରିକଙ୍କୁ ସତର୍କ ରହିବାକୁ ଆଡଭାଇଜରୀ ଜାରି କରିଛି ।
