ମା’କୁ ହାଣି ପୁଅର ଥାନାରେ ଆତ୍ମସମର୍ପଣ

କେନ୍ଦୁଝର (ବଡ଼ ଖବର ବ୍ୟୁରୋ): ଧାନ ବିଲରେ ବୃଦ୍ଧା ମାଆଙ୍କୁ ବିଭତ୍ସ ହତ୍ୟା କଲା ପୁଅ । କେନ୍ଦୁଝର ଜିଲ୍ଲା ଘଟଗାଁ ଥାନା ମେଲାଣ ଗ୍ରାମ ରଙ୍ଗମାଟିଆ ସାହିର ଘଟିଛି ଅଘଟଣା । ମୃତ ବୃଦ୍ଧା ହେଲେ ୬୫ ବର୍ଷୀୟ ରିଣ୍ଡି ସୋରେନ । ବୃଦ୍ଧା ଜଣଙ୍କ ଆଜି ସକାଳୁ ବିଲକୁ କାମ କରିବା ପାଇଁ ଆସିଥିଲେ । ବିଲରେ ତଳି ଉଠାଇବା ସମୟରେ ତାଙ୍କୁ ତାର ନିଜ ପୁଅ ଏକ ମାରଣାସ୍ତ୍ରରେ ହତ୍ୟା କରିଛି ।

ବୃଦ୍ଧା ମାଆଙ୍କୁ ହତ୍ୟା କରିବା ପରେ ନିଜେ ଯାଇ ଥାନାରେ ଆତ୍ମସମର୍ପଣ କରିଥିବା ପୋଲିସ୍ ପକ୍ଷରୁ ସୂଚନା ମିଳିଛି । ଅଭିଯୁକ୍ତ ପୁଅ ସାଲଖାନ୍ ସୋରେନ । ଘଟଣା ସମ୍ପର୍କରେ ବୃଦ୍ଧାଙ୍କ ସ୍ଵାମୀ କିଛି ଜାଣିନଥିବା ବେଳେ ଆଜି ସକାଳୁ ବୃଦ୍ଧା ଜଣଙ୍କ ବିଲକୁ ଯାଉଛି କହି ଘରୁ ସକାଳୁ ଆସିଥିବା ବୃଦ୍ଧାଙ୍କ ସ୍ଵାମୀ କହିଛନ୍ତି । ଘଟଣାସ୍ଥଳରେ ଘଟଗାଁ ପୋଲିସ୍ ପହଂଚି ତଦନ୍ତ ଚଳାଇଛି ।