ମୋ ଭାଇକୁ ପୋଲିସ ମାରିଦେଲା
ପୁରୀ (ବଡ଼ ଖବର ବ୍ୟୁରୋ): ପୋଲିସ ହେପାଜତରେ କେ. ରମେଶଙ୍କ ମୃତ୍ୟୁ ହୋଇଛି । ତାଙ୍କ ଦେହରେ ମାଡ଼ଦାଗ ସ୍ପଷ୍ଟ ବାରିହୋଇ ପଡୁଛି । ପୋଲିସ ହତ୍ୟାକାରୀ । ଅଭିଯୁକ୍ତ ପୋଲିସ କର୍ମଚାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛି ବିଜେପି । ବଡ଼ ମେଡିକାଲ ଆଗରେ ବିଜେପି, ଓକିଲ, ବୁଦ୍ଧିଜୀଜୀ ଓ ସାଧାରଣ ଲୋକମାନେ ଭିକ୍ଷୋବ ପ୍ରଦର୍ଶନ କରିଛନ୍ତି । ଘଟଣାକୁ ପୁରୀ ବାର ଆସୋସିଏସନ ନିନ୍ଦା କରିବା ସହ ଓକିଲମାନେ ରାଜରାସ୍ତାରେ ଭିକ୍ଷୋବ ପ୍ରଦର୍ଶନ କରିଛନ୍ତି । ପୋଲିସ ସହ ସାଧାରଣ ଜନତା ଓ ବିଜେପିକର୍ମୀଙ୍କର ଧସ୍ତାଧସ୍ତି ହୋଇଛି । ପୁରୀରେ ଲାଗିରହିଛି ଉତ୍ତେଜନା ।
ପୁରୀ ବଳିଆପଣ୍ଡା ଫାଦର୍ସ ସ୍କୁଲ ଅଞ୍ଚଳର କେ. ରମେଶ (୨୮)ଙ୍କର ପୁରୀ ବାସେଲି ସାହି ଥାନା ପୋଲିସ ମାଡ଼ରେ ମୃତ୍ୟୁ ହୋଇଥିବା ଆଜି ସକାଳେ ପ୍ରଚାର ହୋଇଥିଲା । ରମେଶଙ୍କ ଭାଇ ଗଣମାଧ୍ୟମକୁ କହିଛନ୍ତି, ପୋଲିସ ବୁଧବାର ରାତିରେ ଘରକୁ ଆସିଥିଲା । ରମେଶ ବହୁ ଅପରାଧରେ ଜଡି଼ତ । ନିକଟରେ ସେ ଅନୁଗୁଳ ଜେଲରୁ ଆସିଥିବା କୁହାଯାଉଛି । ତେବେ ପୋଲିସ ରମେଶଙ୍କୁ ଥାନାକୁ ନେଇ ପିଟି ପିଟି ମାରିଦେଇଥିବା ତାଙ୍କ ଭାଇ ସମେତ ପରିବାର ଲୋକେ ଅଭିଯୋଗ କରିଛନ୍ତି ।