ସୁକିନ୍ଦା ବିଧାୟକଙ୍କୁ କରୋନା
ସୁକିନ୍ଦା, (ବଡ଼ ଖବର ବ୍ୟୁରୋ): ରାଜ୍ୟରେ ବର୍ତ୍ତମାନ କରୋନା ସଂକ୍ରମଣ କମିବାରେ ନା ନେଉନଥିବା ବେଳେ ମଙ୍ଗଳବାର ସୁକିନ୍ଦା ବିଧାୟକ ପ୍ରୀତିରଞ୍ଜନ ଘଡାଇଙ୍କର କରୋନା ରିପୋର୍ଟ ପଜିଟିଭ୍ ଆସିଛି। ଏ ସଂପର୍କରେ ବିଧାୟକ ପ୍ରୀତିରଞ୍ଜନ ଘଡାଇ ସାମାଜିକ ଗଣମାଧ୍ୟମରେ ପ୍ରକାଶ କରିଛନ୍ତି। ସେ ସାମାଜିକ ଗଣମାଧ୍ୟମରେ ଲେଖିଛନ୍ତି ଯେ, ‘ମୋଠାରେ କରୋନାର କୌଣସି ଲକ୍ଷଣ ନଥିଲେ ବି, ଯେହେତୁ ମୋ ସ୍ୱାବ ଟେଷ୍ଟରେ ପଜିଟିଭି ଆସିଛି। ଡାକ୍ତରଙ୍କ ପରାମର୍ଶ କ୍ରମେ ମୁଁ ଦୁଇ ସପ୍ତାହ ପାଇଁ ସଙ୍ଗରୋଧ କେନ୍ଦ୍ରରେ ରହିବି’ ।
#ମୁଁ_ସଂଗରୋଧରେ_ଅଛି
ଯଦିଓ Coronaର କୌଣସି ଲକ୍ଷଣ ନାହିଁ; କିନ୍ତୁ ମୋର ସ୍ୱାବ ଟେଷ୍ଟ ରିପୋର୍ଟ Positive ଆସିଛି।
ଡାକ୍ତରଙ୍କ ପରାମର୍ଶରେ ମୁଁ 2ସପ୍ତାହ ସଂଗରୋଧରେ ରହୁଛି।— Pritiranjan Gharai (@PritiranjanBJD) October 20, 2020
ବିଧାୟକଙ୍କୁ କରୋନା ହେଇଥିବା ଖବର ଜାଣିବା ପରେ ସୁକିନ୍ଦା ଅଞ୍ଚଳରେ ତାଙ୍କ ଆଶୁ ଆରୋଗ୍ୟ କାମନା କରି ବିଭିନ୍ନ ମନ୍ଦିରରେ ଆଜି ସନ୍ଧ୍ୟାରେ ସମର୍ଥକମାନେ ଦିପ ପ୍ରଜ୍ୱଳନ କରିଛନ୍ତି । ଅନ୍ୟପଟେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ରାଜ୍ୟପାଳ ଗଣେଷି ଲାଲ୍ ମଧ୍ୟ ଟୁଇଟ୍ ଜରିଆରେ ବିଧାୟକଙ୍କ ଆଶୁ ଆରୋଗ୍ୟ କାମନା କରିଛନ୍ତି ।