ଟେଷ୍ଟ ଇତିହାସରେ ରୋହିତ ବାହିନୀର ସବୁଠୁ ବଡ଼ ବିଜୟ

ରାଜକୋଟ(ବଡ଼ ଖବର ବ୍ୟୁରୋ): ରାଜକୋଟରେ ଟିମ ଇଣ୍ଡିଆର ରାଜ୍। ରୋହିତ ଶର୍ମାଙ୍କ ଅଧିନାୟକତ୍ୱରେ ଭାରତୀୟ କ୍ରିକେଟ୍ ଦଳ ଇତିହାସ ସୃଷ୍ଟି କରିଛି। ଟେଷ୍ଟ ଇତିହାସରେ ରନ୍ ଦୃଷ୍ଟିରୁ ଟିମ୍ ଇଣ୍ଡିଆ ସର୍ବ ବୃହତ ବିଜୟ ହାସଲ କରିଛି। ରାଜକୋଟରେ ଖେଳାଯାଇଥିବା ଟେଷ୍ଟ ସିରିଜର ତୃତୀୟ ମ୍ୟାଚରେ ଭାରତ ଇଂଲଣ୍ଡକୁ ୪୩୪ ରନରେ ପରାସ୍ତ କରିଛି।

ଭାରତ ପାଇଁ ଯଶସ୍ୱୀ ଜୟସ୍ୱାଲ ଦ୍ୱିଶତକ ହାସଲ କରିଥିଲେ। ସେହିପରି ରୋହିତ ଶର୍ମା ଏବଂ ରବିନ୍ଦ୍ର ଜାଡେଜା ମଧ୍ୟ ଶତକ ହାସଲ କରିଥିଲେ। ଖାଲି ବ୍ୟାଟିଂ ନୁହଁ ବୋଲିଂରେ ମଧ୍ୟ ଜାଡେଜା ଚମତ୍କାର ପ୍ରଦର୍ଶନ କରିଥିଲେ। ଏହି ବିଜୟ ସହିତ ଟିମ୍ ଇଣ୍ଡିଆ ପାଞ୍ଚ ମ୍ୟାଚ୍ ବିଶିଷ୍ଟ ସିରିଜରେ ୨-୧ରେ ଆଗରେ ରହିଛି।