ସୁଜାତା ମିଶିବା ପରେ ବିଜେଡି ଦୁଇଫାଳ!
ଭୁବନେଶ୍ୱର(ବଡ଼ ଖବର ବ୍ୟୁରୋ): ବିଜେଡିରେ ମିଶିଲେ ସୁଜାତା । ଦଳରେ ଯୋଗ ଦେଉଦେଉ ପାର୍ଟି ଦୁଇଫାଳ । ଗୋଟେ ପଟେ ମିଶ୍ରଣ ପର୍ବ ଅନ୍ୟପଟେ ବିଦ୍ରୋହୀଙ୍କ ମାନସମନ୍ଥନ । ସୁଜାତା କାର୍ତ୍ତିକେୟନ ପାଣ୍ଡିଆନଙ୍କୁ ନବୀନ ବିଧିବଦ୍ଧ ଭାବେ ଦଳରେ ଯୋଗଦେବା ନେଇ ଉତ୍ତରି ଦେଉଥିବା ବେଳେ ଅନେକ ନେତା ମଂଚ ତଳେ ଥାଇ ତାଙ୍କୁ ସ୍ୱାଗତ କଲେ । ହେଲେ ଯେଉଁମାନେ ଭିକେ ପାଣ୍ଡିଆନଙ୍କୁ ବିରୋଧ କରୁଥିଲେ ସେମାନଙ୍କ ଦେଖା ନଥିଲା । ଅର୍ଥାତ କହିବାକୁ ଗଲେ ସୁଜାତାଙ୍କ ବିଜେଡିରେ ଯୋଗ ନିଷ୍ପତିକୁ କିଛି ନେତା ନାପସନ୍ଦ କରିଛନ୍ତି ।
ସେଥିମଧ୍ୟରୁ ଜଣେ ହେଲେ ବରିଷ୍ଠ ବିଜେଡି ନେତା ତଥା ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ । ସୁଜାତାଙ୍କ ମିଶ୍ରଣ ପର୍ବରେ ପ୍ରସନ୍ନଙ୍କ ଦେଖାନାହିଁ । ଆଉ ଜଣେ ହେଲେ ବଦ୍ରି ନାରାୟଣ ପାତ୍ର । ସେ ମଧ୍ୟ ପାଣ୍ଡିଆନଙ୍କୁ ବିରୋଧ କରୁଛନ୍ତି । ସୁଜାତାଙ୍କ ମିଶ୍ରଣ ପର୍ବରେ ବଦ୍ରି ଅନୁପସ୍ଥିତ ରହିଲେ । ଆଉ ଜଣେ ହେଲେ ରଣେନ୍ଦ୍ର ପ୍ରତାପ ସ୍ୱାଇଁ । ନବୀନଙ୍କ ସ୍ୱାସ୍ଥ୍ୟବସ୍ଥାକୁ ନେଇ ଦିନେ ରାଜା ସ୍ୱାଇଁ ଓ ପାଣ୍ଡିଆନଙ୍କ ମଧ୍ୟରେ ଚାଲିଥିଲା ଯୁକ୍ତିତର୍କ । ସେହି ଦିନ ଠାରୁ ପାଣ୍ଡିଆନଙ୍କ ସହ ରାଜାଙ୍କ ସଂପର୍କ ଭଲ ନାହିଁ । ଯେତେବେଳେ ସୁଜାତା ବିଜେଡିରେ ମିଶୁଛନ୍ତି ରାଜାଙ୍କ ଦେଖାନାହିଁ । ଦିନେ ଯିଏ ବିଜେଡି ସାଙ୍ଗଠନିକ ଦାୟିତ୍ୱରେ ଥିଲେ ସେହି ବବି ଦାସ ମଧ୍ୟ ଉପସ୍ଥିତ ନ ଥିଲେ । ଅର୍ଥାତ ସୁଜାତା ବିଜେଡିର ଯୋଗଦେବା ନିଷ୍ପତ୍ତି ବିରୋଧରେ ବବି କୁହାଯାଉଛି । ବିକ୍ରମ କେଶରୀ ଆରୁଖ, ଲତିକା ପ୍ରଧାନ ଭଳି ଅନେକ ପାଣ୍ଡିଆନ ବିରୋଧୀ ନେତାଙ୍କ ଦେଖାନଥିଲା ।
ଅର୍ଥାତ କହିବାକୁ ଗଲେ ସେମାନେ ସୁଜାତାଙ୍କ ମିଶିବାକୁ ପସନ୍ଦ କରୁନଥିଲେ । ଯେତେବେଳେ ସୁଜାତା ମିଶିବା ଖବର ନେଇ କୁହାଗଲା ସମସ୍ତ ନେତାଙ୍କୁ କୁହାଯାଇଥିଲା ଯ ମିଶ୍ରଣ ପର୍ବରେ ଯୋଗଦେବେ । ଯେତେବେଳେ ଏହି ବିଦ୍ରୋହୀ ଗୋଷ୍ଠୀଙ୍କ ଦେଖା ମିଳୁନାହିଁ ଏ କଥା କୁହାଯାଇପାରେ ଯେ ଏମାନେ ସୁଜାତାଙ୍କୁ ଗ୍ରହଣ କରୁପାରୁନାହାନ୍ତି । ଯାହା ବିଜେଡି ପାଇଁ ବଡ଼ ଚିନ୍ତାର ବିଷୟ । ତା ହେଲେ ଏକଥା କୁହାଯିବ କି ସୁଜାତାଙ୍କୁ ବିଜେଡି ସଭାପତି ନବୀନ ପଟ୍ଟନାୟକ ଦଳରେ ମିଶାଇବା ପରେ ଗୋଟିଏ ଗୋଷ୍ଠୀ ଏବେ ମୁହଁ ମୋଡ଼ିଛନ୍ତି । ଯଦି ଏହି ପ୍ରକ୍ରିୟା ଆଗକୁ ଚାଲେ ତାହେଲେ ଏହା ହିଁ ସତ ଯେ ଦଳ ଭିତରେ ଆଭ୍ୟନ୍ତରୀଣ କନ୍ଦଳ ଖୁବଶୀଘ୍ର ଦେଖାଦେବ । ଯାହା ଦଳ ପାଇଁ ବକ୍ଷ କ୍ଷତି ଆଣିବ ।