ବିଜେପି ନେତା ରାଜୁ ଝାଙ୍କୁ ଗୁଳି କରି ହତ୍ୟା
କୋଲକାତା (ବଡ଼ ଖବର ବ୍ୟୁରୋ): ପଶ୍ଚିମବଙ୍ଗରେ ବିଜେପିର ଜଣେ ନେତାଙ୍କୁ ଗୁଳି କରି ହତ୍ୟା । ପୁର୍ବ ବର୍ଦ୍ଧମାନ ଏସପି କାମନାସିସ୍ ସେନ୍ କହିଛନ୍ତି ଯେ, ବଙ୍ଗଳାର ପୂର୍ବ ବର୍ଦ୍ଧମାନର ଶକ୍ତିଗଡରେ ବିଜେପି ନେତା ରାଜୁ ଝା’ଙ୍କୁ ହତ୍ୟା କରାଯାଇଛି । ବରିଷ୍ଠ ପୋଲିସ ଅଧିକାରୀଙ୍କ କହିବାନୁସାରେ, ଦୁର୍ଗାପୁର ବ୍ୟବସାୟୀ ରାଜୁ ଝା ନାମକ ଜଣେ ବିଜେପି ନେତା କିଛି ସହକର୍ମୀଙ୍କ ସହ କୋଲକାତା ଅଭିମୁଖେ ଯାଉଥିଲେ ।
ଶକ୍ତିଗର ଅଞ୍ଚଳରେ ଏକ ମିଠା ଦୋକାନ ଆଗରେ କିଛି ଅଜଣା ବ୍ୟକ୍ତି ତାଙ୍କୁ ଆକ୍ରମଣ କରିଥିଲେ । କାରରେ ରାଜୁ ଝା’ଙ୍କ ସମେତ ତିନି ଜଣ ଥିଲେ । ସେପଟେ କଣ ପାଇଁ ରାଜୁଙ୍କ ହତ୍ୟା କରାଯାଇଛି ତାହା ଏବେ ଜଣାପଡ଼ିନାହିଁ । ପୋଲିସ ଅଧିକ ତଦନ୍ତ ଚଳାଇଛି । ସୂଚନାନୁସାରେ, ଝା’ଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କୁ ମୃତ ଘୋଷଣା କରାଯାଇଥିଲା । ଅନ୍ୟ ଆହତମାନେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।