ପୂର୍ବ ଶତ୍ରୁତାରୁ ସମ୍ପର୍କରେ ରକ୍ତର ଛିଟା
ବାଙ୍ଗିରିପୋଷି (ବଡ଼ ଖବର ବ୍ୟୁରୋ): ଘରେଇ କଳିର କରୁଣ ପରିଣତି । କକାକୁ ହାଣିଲା ପୁତୁରା । ଏଭଳି ଘଟଣା ଘଟିଛି ବାଙ୍ଗିରିପୋଷି ଥାନା ଅଧିନ ସିମିଳା ଗ୍ରାମରେ । ମାଠ ମୁଣ୍ଢା ତାଙ୍କ ସ୍ତ୍ରୀ କୋଟି ମୁଣ୍ଡା ଙ୍କ ସହିତ ଘରେ ଶୋଇ ଥିବାବେଳେ ତାଙ୍କ ଘର ନିକଟରେ ରହୁଥିବା ମାଠ ମୁଣ୍ଡାଙ୍କ ପୁତୁରା ଡୋରା ମୁଣ୍ଡା ପୂର୍ବ ଶତ୍ରୁତାକୁ ନେଇ ମାଠ ଏବଂ ତାଙ୍କ ସ୍ତ୍ରୀ କୋଟିମଣିକୁ ଏକ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ ।
ମାଠକୁ ହତ୍ୟା କରି ଘର ପଛପଟେ ଥିବା ଅନ୍ୟ ଜଣଙ୍କ ଘର ବାଡ଼ିରେ ନେଇ ଫୋପାଡ଼ି ଦେଇଥିଲା। ପରେ ସ୍ତ୍ରୀ କୋଟିମଣିକୁ ଗୁରୁତର ଅବସ୍ଥାରେ ଡାକ୍ତରଖାନା ରେ ଭର୍ତ୍ତି କରାଯାଇଛି । ହସକାଳୁ ଗ୍ରାମବାସୀ ପୋଲିସକୁ ଖବର ଦେବାପରେ ଘଟଣାସ୍ଥଳରେ ବାଙ୍ଗିରିପୋଷି ପୋଲିସ ଓ ସାଇଣ୍ଟିଫିକ ଟିମ ପହଞ୍ଚି ତଦନ୍ତ ପରେ ଆସାମୀ ଡୋରା ମୁଣ୍ଡା କୁ ଗିରଫ କରିଛି।