ବିଡିଓଙ୍କୁ ବଦନାମ କରିବା ପଛରେ କିଏ?

ବଡସାହି (ବଡ଼ ଖବର ବ୍ୟୁରୋ):ବିଡିଓଙ୍କ ବିରୋଧରେ ସମିତି ସଭ୍ୟ। ଆଣିଲେ ସଙ୍ଗିନ ଅଭିଯୋଗ । ଆଉ ପରେ କହିଲେ ମୋ ଅଜାଣତରେ ମୋ ସ୍ବାମୀ କରିଥିଲେ ଏପରି କାଣ୍ଡ। ଆଉ ପଶ୍ଚାତାପ ବି କଲେ। ଏଭଳି ଏକ ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ବେତନଟୀ ବ୍ଲକରେ। ବେତନଟୀ ବ୍ଲକ ନାହଣ୍ଡ।ସୋଳ ପଞ୍ଚାୟତର ସମିତି ସଭ୍ୟ। ସୁନାମଣି ସିଂ । ବେତନଟୀ ବିଡିଓ ଛବିରାଣି ସାହୁ, ଯନ୍ତ୍ରୀ ସ୍ନେହଲତା ପତି ଜାତିଆଣ ମନ୍ତବ୍ୟ ଦେଇ ତାଙ୍କୁ ଗାଳି ଗୁଲଜ କରିବା ସହିତ ତାଙ୍କ ଫଣ୍ଡର ଦୁରୁପଯୋଗ କରିଥିବା ଅଭିଯୋଗ ଆଣି ଜିଲ୍ଲାପାଳଙ୍କୁ ଲିଖିତ ଅଭିଯୋଗ କରିଥିଲେ।

ତେବେ ସୁନାମଣି ତାଙ୍କର ଭୁଲ ସ୍ବୀକାର କରିବା ସହିତ ଅଭିଯୋଗ ବିଷୟରେ ଜାଣି ନଥିବା କହିଛନ୍ତି। ସେ କହିଛନ୍ତି ଯେ ତାଙ୍କ ସ୍ଵାମୀ ତାଙ୍କ ଅଜାଣତରେ ତାଙ୍କ ଠାରୁ କାଗଜରେ ଦସ୍ତଖତ କରାଇ ନେଇ ଏ ସବୁ କାଣ୍ଡ ଘଟାଇଛନ୍ତି । ବିଡିଓ ଏବଂ ଜେଇ ତାଙ୍କୁ କୌଣସି ଜାତିଆଣ ମନ୍ତବ୍ୟ ଦେଇ ଗାଳି ଗୁଲଜ କରିନାହାନ୍ତି କିମ୍ବା ଖରାପ ବ୍ୟବହାର କରି ନାହାନ୍ତି।