ନିମାପଡ଼ା (ବଡ଼ ଖବର ବ୍ୟୁରୋ): ପୁରୀ ଜିଲ୍ଲା ନିମାପଡ଼ା ଅଞ୍ଚଳରେ ବ୍ରଉନ ସୁଗାର ଯାହାକୁ ଯେତେ । ବ୍ରାଉନ୍ ସୁଗାର ହବ୍ ପାଲଟିଛି ନିମାପଡ଼ା। ପୋଲିସ ଆଜି ପୁଣି ଲକ୍ଷାଧିକ ଟଙ୍କାର ବ୍ରାଉନ ସୁଗାର ଜବତ କରି ୪ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେମାନଙ୍କ ଠାରୁ ୧୨ ଗ୍ରାମର ବ୍ରାଉନ ସୁଗାର ଜବତ କରିଛି ପୋଲିସ। ଯାହାର ଆନୁମାନିକ ମୂଲ୍ୟ ଦେଢ଼ ଲକ୍ଷ ଟଙ୍କା ହେବ ବୋଲି ଜଣାପଡିଛି।
ଗିରଫ ହୋଇଥିବା ଯୁବକମାନେ ହେଲେ ନିମାପଡା ଥାନା ଭୁବନୀପୁର ଗ୍ରାମର ରାକେଶ ଦଳାଇ, ପଟପୁର ଗ୍ରାମର ମହେନ୍ଦ୍ର ସ୍ୱାଇଁ, ଅଣ୍ଡିଆ ଶାସନର ମାଧବାନନ୍ଦ ଦାଶ, ସର୍ବାପଡ଼ାର ସଦାଶିବ ପଣ୍ଡା । ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି। ଜାମିନ ଆବେଦନ ଖାରଜ ହୋଇଯିବା ପରେ ସେମାନଙ୍କୁ ନିମାପଡା ଉପ କାରାଗାରକୁ ପଠାଇ ଦିଆଯାଇଛି। ପୋଲିସ ଲୋକଦେଖାଣିଆ ଚଢ଼ାଉ କରୁଚି ବୋଲି ଚର୍ଚ୍ଚା ହେଉଛି । ଏ ପଟେ ଅବକାରୀ ବିଭାଗ ଚେଇଁ ଶୋଇଥିବା ଆଲୋଚନା ହେଉଛି ।
