ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟରେ ଥିବା ବ୍ରିଟିଶ ଅମଳ ବ୍ରିଜ ଗୁଡିକ ଚଳାଚଳ ପାଇଁ ସମସ୍ୟା ସୃଷ୍ଟି କରୁଛି । ଯାନବାହନ ଚଳାଚଳରେ ସମସ୍ୟା ହେଉଥିବାରୁ ସମ୍ପୃକ୍ତ ଅଞ୍ଚଳର ଲୋକମାନେ ହନ୍ତସନ୍ତ ହେଉଛନ୍ତି । ପ୍ରଶ୍ନକାଳରେ ବ୍ରିଜକୁ ନେଇ ବିଜେଡି ବିଧାୟକ ଭୂପିନ୍ଦର ସିଂଙ୍କ ପ୍ରଶ୍ନରେ ଉତ୍ତର ରଖିଛନ୍ତି ପୂର୍ତ୍ତମନ୍ତ୍ରୀ ପ୍ରଫୁଲ୍ଲ ମଲ୍ଲିକ । ରାଜ୍ୟରେ ୧୭ଟି ବ୍ରିଟିଶ ଅମଳର ବ୍ରିଜ ରହିଛି । ଯାହାକି ଚଳାଚଳ ପାଇଁ ଉଦ୍ଧିଷ୍ଟ ନୁହେଁ।
ସେହି ଅଞ୍ଚଳରେ ନୂଆ ବ୍ରିଜ ନିର୍ମାଣ ନିମନ୍ତେ ସରକାର ପଦକ୍ଷେପ ନେଇଛନ୍ତି । ବାଲେଶ୍ଵରରେ ୨ଟି, କଳାହାଣ୍ଡି ୨ଟି,ବଲାଙ୍ଗୀର ୧ଟି,ସମ୍ବଲପୁର ୧ଟି , ପାଣିକୋଇଲି ୧ଟି ଓ ନୟାଗଡ଼ରେ ୫ଟି ବ୍ରିଟିଶ ଅମଳର ବ୍ରିଜ ରହିଅଛି। ଯାହା ମଧ୍ୟରୁ ବାଲେଶ୍ଵର ଓ କଳାହାଣ୍ଡି ନୂଆ ବ୍ରିଜ ନିମନ୍ତେ ଟେଣ୍ଡର ପ୍ରକ୍ରିୟା ଶେଷ ହୋଇଛି। ରାୟଗଡାରେ ଥିବା ୫ଟି ରୁ ୩ଟିର କାର୍ଯ୍ୟ ଆରମ୍ଭ ହୋଇଛି।
