ଜଳେଶ୍ଵର(ବଡ଼ ଖବର ବ୍ୟୁରୋ); ଘରୋଇ କଳହରୁ ସାନ ଭାଇକୁ ଭୁଜାଲି ଭୂଷିଲା ବଡ଼ ଭାଇ ।ମିଳିଥିବା ସୂଚନା ଅନୁସାରେ ବାଲେଶ୍ୱର ଜିଲ୍ଲା ତାଳସାରି ଥାନା ଅନ୍ତର୍ଗତ ସାନଡଭା ଗ୍ରାମର ଦୁଇଭାଇ ସନ୍ତୋଷ ସାହୁ ଏବଂ ସଞ୍ଜୟ ସାହୁ ଉଭୟଙ୍କ ମଧ୍ୟରେ ପାରିବାରିକ କଳହ ଉପୁଜି ଥିଲା ।
ଯାହା ଫଳରେ ଆଜି ବଡ଼ ଭାଇ ସନ୍ତୋଷ ଉତ୍କ୍ଷିପ୍ତ ହୋଇ ସାନ ଭାଇ ସଞ୍ଜୟଙ୍କ ଛାତିରେ,ଜଙ୍ଘର,ପେଟରେ ପ୍ରାୟ ୧୦ରୁ ଉର୍ଦ୍ଧ୍ୱ ଥର ଛୁରା ମାଡ଼ କରିଥିଲେ । ଘଟଣା ସ୍ଥଳରେ ସଞ୍ଜୟ ଟଳି ପଡିଥିବା ବେଳେ ସ୍ଥାନୀୟ ଲୋକ ମାନେ ଉଦ୍ଧାର କରି ଜଳେଶ୍ୱରପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ । ପ୍ରାଥମିକ ଚିକିତ୍ସା ପରେ ଅବସ୍ଥା ସଂକଟାପନ ହେବାରୁ ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ସ୍ଥାନନ୍ତରିତ କରାଯାଇଛି । ଘଟଣାର ଅଧିକ ତଦନ୍ତ କରୁଛି ତାଳସାରି ମେରାଇନ ପୋଲିସ ।
