୪୭ ଗ୍ରାମ ବ୍ରାଉନ ସୁଗାର ଜବତ

ଜଗତସିଂହପୁର (ବଡ଼ ଖବର ବ୍ୟୁରୋ): ଜଗତସିଂହପୁର ଆଳିପିଙ୍ଗଳ ଛକ ଓ କୋଶିଦା ଛକ ଠାରୁ ଆଜି ଭୋର ସମୟରେ ୪୭ ଗ୍ରାମ ବ୍ରାଉନ ସୁଗାର ଜବତ କରାଯିବା ସହ ୨ ଜଣଙ୍କୁ ଗିରଫ କରାଯାଇଛି । ଜଗତସିଂହପୁର ଜିଳ୍ଲା ଅବକାରୀ ବିଭାଗ, କଟକ ଫ୍ଲାଇଙ୍ଗ ସ୍କ୍ୱାର୍ଡ ଏବଂ ପୁଲିସର ମିଳିତ ସହଯୋଗରେ ଆଳିପିଙ୍ଗଳ ଛକରୁ ଦିବ୍ୟରଞ୍ଜନ ସେଠୀ ଓରଫ ରାଜାକୁ ଗିରଫ କରାଯାଇଥିଲା । ତା ନିକଟରୁ ୨୦ ଗ୍ରାମ ବ୍ରାଉନସୁଗାର ଜବତ କରାଯାଇଥିଲା । ସେହିଭଳି କୋଶିଦା ଛକରୁ ଦୀପକ କୁମାର ରାଉତ ଓରଫ କାଳିଆକୁ ଗିରଫ କରାଯାଇଥିଲା । ୨୭ ଗ୍ରାମ ବ୍ରାଉନ ସୁଗାର ଜବତ କରାଯାଇଥିଲା ।