ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜ୍ୟରେ ସ୍ୱଭାବିକ ହେବ ବସ୍ ଚଳାଚଳ । ସଂକ୍ରମଣ କମ୍ ଥିବା ଜିଲ୍ଲାର ୪୩ ଟି ରୁଟରେ ବସ୍ ଚାଲିବ । ଓଡ଼ିଶା ରାଜ୍ୟ ସଡକ ପରିବହନ ନିଗମ ଏହି ଘୋଷଣା କରିଛି । ଆଜିଠାରୁ ବସ୍ ଚଳାଚଳ ଆରମ୍ଭ ହେବ । ବସ୍ ଗୁଡିକ ରାଷ୍ଟ୍ରାୟତ ନିଗମର ୧୬ ଟି ଡିପୋରୁ ଯାତାୟତ କରିବ ।
ବସରେ କୌଣସି ଯାତ୍ରୀ ଛିଡା ହୋଇ ଯାଇପାରିବେ ନାହିଁ ବୋଲି ଓଏସ୍ଆର୍ଟିସି ପକ୍ଷରୁ କୁହାଯାଇଛି । ବସ୍ ଚଳାଚଳ ସମୟରେ କୋଭିଡ କଟକଣାକୁ କଡାକଡି ଭାବେ ପାଳନ କରାଯିବ । ଏହି ରୁଟ ମଧ୍ୟରେ ରହିଛି ଅନୁଗୁଳ-ଜୟପୁର, ବରଗଡ-ବ୍ରହ୍ମପୁର, ଭବାନୀପାଟଣା-ବ୍ରହ୍ମପୁର, ବଲାଙ୍ଗିର-ବ୍ରହ୍ମପୁର, ଜୟପୁର-ଫୁଲବାଣୀ, ଜୟପୁର-ଗୁଣୁପୁର, ଭାବାନୀପାଟଣା-ମୋଟୁ ଓ କେନ୍ଦୁଝର-ବଲାଙ୍ଗିର ରୁଟ ।
