ସ୍କୁଲ ଫି ଭରିବା ପାଇଁ ବସ୍ ଆଗକୁ ଡ଼େଇଁଲା ମାଆ
ତାମିଲନାଡ଼ୁ (ବଡ଼ ଖବର ବ୍ୟୁରୋ): ସେ ମାଆ । ମମତାମୟୀ, କରୁଣମୟୀ , ଦୟାଳୁ ସ୍ନେହର ପ୍ରତୀକ । ମାଆ ମମତାର କୌଣସି ସୀମା ନାହିଁ । ମାଆ ତା ଛୁଆ ପାଇଁ ହୋଇପାରେ ଦେବୀ ତ ବିପଦରୁ ଉଦ୍ଧାରିବା ପାଇଁ ସାଜିପାରେ ଦୁର୍ଗା । ହେଲେ ସେହି ମାଆ ନିଜ ଛୁଆ ପାଇଁ କିଛି ବି କରିପାରେ । ଏଭଳି ଏକ ହୃଦୟ ବିଦାରକ ଘଟଣା ଆସିଛି ତାମିଲନାଡ଼ୁରୁ । ଏ ଦୃଶ୍ୟ ଦେଖିଲା ପରେ ଆଖିରେ ଲୁହ ରହିବ ନାହିଁ । ଘଟଣା ଥିଲା କିଛି ଏମିତି । ଦୁର୍ଘଟଣାରେ ମଲେ କ୍ଷତିପୂରଣ ମିଳିବ । ଏମିତି କିଏ ଜଣେ କହିଥିଲା ।
ତେଣୁ ପୁଅର ସ୍କୁଲ ଫିସ୍ ଭରିବାକୁ ବସ୍ ଆଗକୁ ଡେଇଁପଡିଛନ୍ତି ଜଣେ ମହିଳା । ଘଟଣା ସ୍ଥଳରେ ମହିଳାଙ୍କର ମୃତ୍ୟୁ ହୋଇଛି । କଥାରେ ଅଛି, ମା’ର ମମତା ଆଗରେ କୌଣସି ଶକ୍ତି କାମ କରେନି । ଛୁଆର ଖୁସି ପାଇଁ ସେ ସବୁ କିଛି କରିପାରେ । ଏମିତିକି ନିଜ ଜୀବନ ଦବାକୁ ବି ପଛାଏ ନାହିଁ । ସେଥିପାଇଁ ବୋଧେ ପୁଅ ପାଇଁ ନିଜ ଜୀବନକୁ ବାଜି ଲଗାଇଦେଇଛନ୍ତି ମହିଳା ଜଣଙ୍କ । ତାମିଲନାଡୁର ସେଲମରେ ଜିଲ୍ଲାପାଳଙ୍କ କାର୍ଯ୍ୟାଳୟରେ ସଫେଇ କର୍ମଚାରୀର ଭାବେ କରୁଥିଲେ ଏହି ମହିଳା । ବୟସ ପାଖାପାଖି ୪୫ ହେବ । ନିଜ ପୁଅର କଲେଜ ଫିସ ଭରି ପାରୁନଥିଲେ ।
ତେଣୁ ଦୁର୍ଘଟଣାରେ ମୃତ୍ୟୁବରଣ କଲେ ସରକାର ସହାୟତା ରାଶି ମିଳେ ବୋଲି କେଉଁଠୁ ଶୁଣିଥିଲେ । ନିଜ ପିଲାର ପଢା ବନ୍ଦ ନ ହେବା ପାଇଁ ମା’ ଜଣଙ୍କ ବସ୍ ଆଗକୁ ଡେଇଁ ପଡ଼ିଥିଲେ । ଏହି ଘଟଣାର ଭିଡିଓ ସିସିଟିଭିରେ କଏଦ ହୋଇଛି । ମହିଳା ଜଣକ ବସ୍ ଆଗକୁ ଡେଇଁପଡିଥିଲେ । ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଯାହାର ଭିଡ଼ିଓ ଏବେ ଭାଇରାଲ ହେବାରେ ଲାଗିଛି । ମହିଳା ଜଣକ ସ୍ୱାମୀଙ୍କ ଠାରୁ ଅଲଗା ହୋଇ ୧୫ ବର୍ଷ ହେଲା ପୁଅକୁ ଧରି ଏକୁଟିଆ ରହୁଥିଲେ ।