ଆଇଏଏସ ସ୍ତରରେ ଅଦଳ ବଦଳ, ସଞ୍ଜୟ ସିଂ ବିଏମସି କମିଶନର

ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟ ସରକାର ବୁଧବାର ବରିଷ୍ଠ ଆଇଏଏସ୍ ସ୍ତରରେ ଅଦଳ ବଦଳ କରିଛନ୍ତି । ବରିଷ୍ଠ ଆଇଏଏସ ହେମନ୍ତ ଶର୍ମା ନିଜ ବିଭାଗ ସହ ଦକ୍ଷତା ବିକାଶ ଓ ବୈଷୟିକ ଏଜୁକେଶନ ବିଭାଗର ପ୍ରମୁଖ ଶାସନ ସଚିବ ଦାୟିତ୍ୱ ତୁଲାଇବେ । ବିଷ୍ଣୁପଦ ସେଠୀ ନିଜ ଦାୟିତ୍ୱ ସହ ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ, ସୂଚନା ଓ ଲୋକସମ୍ପର୍କ ବିଭାଗର ପ୍ରମୁଖ ଶାସନ ସଚିବ ବାବେ ଦାୟିତ୍ୱ ତୁଲାଇବେ ।

ସୂଚନା ଓ ଲୋକ ସମ୍ପର୍କ ବିଭାଗର କମିଶନର ଥିବା ସଞ୍ଜୟ କୁମାର ସିଂଙ୍କୁ ଭୁବନେଶ୍ୱର ମହାନଗର ନିଗମର କମିଶନର ଭାବେ ନିଯୁକ୍ତି ଦିଆଯାଇଛି । ଏହାସହ ଭୁବନେଶ୍ୱର ଉନ୍ନୟନ କତୃପକ୍ଷର ଉପାଧ୍ୟକ୍ଷ ଭୁବନେଶ୍ୱର ସ୍ମାଟ ସିଟି ଲିମିଟେଡର ସିଇଓ ଭାବେ ଅତିରିକ୍ତ ଦାୟିତ୍ୱ ତୁଲାଇବେ । ପୂର୍ତ ସଚିବ ଡ.କ୍ରିଷନ କୁମାରଙ୍କୁ ନିଜ ଦାୟିତ୍ୱ ସହ ଶ୍ରୀ ମନ୍ଦିର ପରିଚାଳନର ମୁଖ୍ୟ ପ୍ରଶାସକ, ପୁରୀ, କୋଣାର୍କ ଉନ୍ନୟନ କତୃପକ୍ଷର ସିଏମଡି ଓ ଇଡକୋର ସିଏମଡି ଭାବେ ଅତିରିକ୍ତ ଦାୟିତ୍ୱ ଦିଆଯାଇଛି ।