ପାୱାରତଲାରେ ବାଛୁରୀକୁ ମାରିଲା ବାଘ

ନୂଆପଡ଼ା (ବଡ଼ ଖବର ବ୍ୟୁରୋ): ନୂଆପଡ଼ା ଅମାନାରା ବିଟ ପାୱାରତଲାରେ ବାଘ ଆତଙ୍କ । ପାୱାରତଲାରେ ବାଛୁରୀକୁ ମାରିଲା ବାଘ । ୨ ଦିନ ତଳେ ବେଲରଦନା ଗାଁର ଏକ ଗୁହାଳରେ ପଶି ଏକ ବାଛୁରୀକୁ ମାରି ଖାଇଥିବା ବେଳେ ଆଜି ମଧ୍ୟ ପାୱାରତଲା ଗାଁର ଏକ ଗୁହାଳରୁ ବାଛୁରୀକୁ ଟାଣି ନେଇ ଖାଇଥିବା ସୂଚନା ମିଳିଛି । ଗତ କାଲି ରାତିରେ ପାୱାରତଲା ଗାଁର ଚିଟିରାମ ସତନାମୀ ନିଜ ଗୁହାଲରେ ଗାଈ ଓ ବାଛୁରୀକୁ ବାନ୍ଧି ରଖିଥିଲେ । ବିଳମ୍ବିତ ରାତିରେ ମୁଷରଙ୍ଗୀ ଜଙ୍ଗଲରୁ ଶିକାର ପାଇଁ ବାହାରିଥିଲା ବାଘ । ତେବେ ବାଘଟି ପାୱାରତଲା ଗାଁର ଚିଟିରାମଙ୍କ ଗୁହାଲରେ ପଶି ବାଛୁରୀକୁ ଟାଣି ନେଇ ଖାଇ ଯାଇଛି । ଏହି ଘଟଣା ପରେ ଆତଙ୍କିତ ହୋଇ ପଡିଛନ୍ତି ଗ୍ରାମବାସୀ ।