ଚୀନକୁ ତା ଭାଷାରେ ଜବାବ ଦେବ ଭାରତୀୟ ସେନା

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଚାଇନାରେ ସେନାକୁ ତା ଭାଷାରେ ଜବାବ ଦେବ ଭାରତୀୟ ସେନା । ଏଥିପାଇଁ ଭାରତୀୟ ସେନାଙ୍କୁ ଦିଆଯାଉଛି ସ୍ୱତନ୍ତ୍ର ତାଲିମ । ଯାହାଦ୍ୱାରା ଚାଇନା ସୈନିକମାନଙ୍କ ବାର୍ତ୍ତାଳାପ ବୁଝିବା ହେବ ସହଜ । ତେଜପୁର ବିଶ୍ୱବିଦ୍ୟାଳୟରେ ଭାରତୀୟ ସେନାକୁ ‘ମାଣ୍ଡାରିନ୍’ ଭାଷାରେ ତାଲିମ ଦିଆଯିବ। ଭାରତୀୟ ସେନାର ତେଜପୁରସ୍ଥିତ ୪ କୋର୍ ଏବଂ ତେଜପୁର ବିଶ୍ୱବିଦ୍ୟାଳୟ ମଧ୍ୟରେ ଏକ ଏମ୍ଓୟୁ ସ୍ୱାକ୍ଷରିତ ହୋଇଛି।

ଯେଉଁଥିରେ ଭାରତୀୟ ସୈନିକମାନଙ୍କୁ ଏହି ତାଲିମ ଦେବାକୁ ନିଷ୍ପତ୍ତି ନିଆଯାଇଛି। ସୈନିକମାନଙ୍କୁ ୧୬ ସପ୍ତାହ ପାଇଁ ଏହି ତାଲିମ ଦିଆଯିବ। ଏହି ପ୍ରଶିକ୍ଷଣ ହେତୁ ଭାରତୀୟ ସେନା ପାଇଁ ଏଲ୍ଏସିରେ ମୁହାଁମୁହିଁ, ସୀମା ବ୍ୟକ୍ତିଗତ ବୈଠକ ସମୟରେ ଚାଇନା ସୈନିକମାନଙ୍କ ବାର୍ତ୍ତାଳାପ ବୁଝିବା ସହଜ ହେବ। ଭାରତୀୟ ସେନା ଏବଂ ତେଜପୁର ବିଶ୍ୱବିଦ୍ୟାଳୟର କୁଳପତି ପ୍ରଫେସର ଏସ.ଏନ୍ ସିଂଙ୍କ ତରଫରୁ କୋର୍ ୪ ଏହି ଏମଓୟୁ ସ୍ବାକ୍ଷରିତ ହୋଇଛି।