ଗୁଜୁରାଟରେ ଚିରାଗ, ବିଜେପିର ବରିଷ୍ଠ ନେତାଙ୍କ ସହ କରିପାରନ୍ତି ଆଲୋଚନା

ଅହମ୍ମଦାବାଦ(ବଡ଼ ଖବର ବ୍ୟୁରୋ): ବିହାରରେ ଏଲଜେପି ଏବେ ଦୁଇ ଭାଗରେ ବିଭକ୍ତ ହୋଇ ସାରିଛି । ଚିରାଗ ପାସୱାନ ଏବଂ ପଶୁପତି କୁମାର ଉଭୟଙ୍କର ନିଜସ୍ୱ ଦାବି ବି ରହିଛି । ଏହାମଧ୍ୟରେ ଏବେ ଚିରାଗ ପାସୱାନ ଗୁଜୁରାଟ ପହଞ୍ଚିଛନ୍ତି । ଶୁଣିବାକୁ ମିଳୁଛି ସେଠାରେ ବିଜେପିର ବରିଷ୍ଠ ନେତାମାନଙ୍କ ସହ ଆଲୋଚନା ମଧ୍ୟ କରିପାରନ୍ତି । ତେବେ ଚିରାଗ କିନ୍ତୁ ଏହି କଥାକୁ ଖଣ୍ଡନ କରିଛନ୍ତି । ସେ କହିଛନ୍ତି ଯେ, ଏହା ତାଙ୍କର ବ୍ୟକ୍ତିଗତ ଟୁର ।

ତେବେ ବିମାନ ବନ୍ଦରରେ ପହଞ୍ଚିବା ମାତ୍ରେ ଚିରାଗଙ୍କୁ ପଚରା ଯାଇଥିବା ପ୍ରଶ୍ନର ସିଧାସଳଖ ଉତ୍ତର ବି ଦେଇନାହାନ୍ତି ସେ । ତେବେ ଆଗରୁ ଚିରାଗ ଏକ ବିବୃତ୍ତିରେ କହିଥିଲେ ଯଦି ବିଜେପି ତରଫରୁ ତାଙ୍କୁ ନେଇ କିଛି ଉଦ୍ୟମ ଜାରି ରହେ ତେବେ ସେ ଭବିଷ୍ୟତରେ ବିଜେପି କଥା ଚିନ୍ତା କରିପାରନ୍ତି । ଆଉ ଏହାମଧ୍ରରେ ଚିରାଗଙ୍କ ଗୁଜୁରାଟ ଗସ୍ତ ଚିରାଗଙ୍କ ଏହି କଥାକୁ ନେଇ ଆଶଙ୍କା ସୃଷ୍ଟି କରୁଛି ।