କଂଗ୍ରେସ ଜିତିଲେ ବେକାରୀ ଭତ୍ତା ୩ ହଜାର
ଭୁବନେଶ୍ୱର (ବଡ଼ ଖବର ବ୍ୟୁରୋ): ବାଜିଲାଣି ବିଗୁଲ । କାଲି ଘୋଷଣା ହେବ ନିର୍ବାଚନ ତାରିଖ । ତତପର ହେଲାଣି ରାଜ୍ୟ କଂଗ୍ରେସ । ଭୋଟରଙ୍କୁ ଆକୃଷ୍ଟ କରିବା ପାଇଁ ଜାରି କଲା ଇସ୍ତାହାର । ସବୁ ବର୍ଗଙ୍କୁ ଆଖି ଆଗରେ ରଖି କଂଗ୍ରେସ ଆଣିଛି ୯ ଗ୍ୟାରେଣ୍ଟି । ସତ୍ତାକୁ ଆସିଲେ କରିବ ଏହି ୯ ଗ୍ୟାରେଣ୍ଟି ଉପରେ କାମ । ଧାନର କ୍ୱିଣ୍ଟାଲ ପିଛା ୩ହଜାର, କୃଷିଋଣ କରିବ ଛାଡ଼ । କୃଷକଙ୍କ ମାସିକ ପେନସନ୍ ୨୦ହଜାର ସହ ଘରୋଇ ଉପଭୋକ୍ତାଙ୍କୁ ୨ଶହ ୟୁନିଟ ବିଦୁ୍ୟତ୍ ଛାଡ଼ । ସେହିପରି ୫ଲକ୍ଷ ଯୁବକ ଯୁବତୀଙ୍କୁ ନିଯୁକ୍ତି ଗ୍ୟାରେଣ୍ଟି ।
ବେକାରୀ ଭତ୍ତା ୩ହଜାର ଟଙ୍କା ଦେବ କଂଗ୍ରେସ । ଖାଲି ସେତିିକି ନୁହେଁ ମହିଳା ସ୍ୱୟଂ ସହାୟକ ଗୋଷ୍ଠୀଙ୍କ ବ୍ୟାଙ୍କ ଋଣ ଛାଡ଼ ସହ ଗୃହଲକ୍ଷ୍ମୀ ଯୋଜନାରେ ଘରର ମୁଖ୍ୟ ମହିଳାଙ୍କୁ ମାସିକ ଭତ୍ତ ଦେବ ୨ହଜାର । ପ୍ରତି ପରିବାରକୁ ମାସିକ ୫ଶହ ଟଙ୍କାରେ ସିଲିଣ୍ଡର ବାର୍ଦ୍ଧକ୍ୟ, ବିଧବା, ଦିବ୍ୟାଙ୍ଗ ଭତ୍ତା ମାସିକ ୨ହଜାର୨୫ଲକ୍ଷ ପର୍ଯ୍ୟନ୍ତ ସମସ୍ତଙ୍କୁ ମାଗଣା ଚିକିତ୍ସା ସହ ପଛୁଆ ବର୍ଗଙ୍କ ପାଇଁ ଚାକିରୀ କ୍ଷେତ୍ରରେ ୨୭% ସଂରକ୍ଷଣ କରିବ ।