ଆସନ ବଣ୍ଟନର ବଡ ଆଧାର ଜନତା: ଚିରାଗ ପାଶୱାନ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଲୋକସଭା ନିର୍ବାଚନର ତାରିଖ ଘୋଷଣା କରିଛନ୍ତି ନିର୍ବାଚନ ଆୟୋଗ। ଗତଥର ପରି ଏଥର ମଧ୍ୟ ସାତୋଟି ପର୍ଯ୍ୟାୟରେ ନିର୍ବାଚନ ହେବ। ତେବେ ଜମୁଇ ଏମ୍‌ପି ଚିରାଗ ପାଶୱାନ ୨୦୨୪ ଲୋକସଭା ନିର୍ବାଚନ ପାଇଁ ନିଜର ଆସନ ଫାଇନାଲ କରିଛନ୍ତି। ବୁଧବାର ଚିରାଗ ପାଶୱାନ ଏକ ସ୍ବତନ୍ତ୍ର ବାର୍ତ୍ତାଳାପରେ କହିଛନ୍ତି ସେ ନିଜେ ହାଜିପୁର ଆସନରୁ ଏନଡିଏ ପ୍ରାର୍ଥୀ ଭାବରେ ପ୍ରତିଦ୍ୱନ୍ଦ୍ୱିତା କରିବେ ।

ସମୟର ପରୀକ୍ଷାରେ କେହି ଭୁଲ କରନ୍ତି ନାହିଁ। ରାଜନୀତିରେ ଆସନ ବଣ୍ଟନ ପାଇଁ ସବୁଠାରୁ ବଡ ଆଧାର ହେଉଛି ଜନତା। ଆଗାମୀ ଦିନରେ ଆମର ଲକ୍ଷ୍ୟ ୪୦୦ ଅତିକ୍ରମ କରିବା। ଏନଡିଏ ତାଙ୍କୁ ପାଞ୍ଚଟି ଆସନ ଦେଇଛି। ତେବେ କିଏ ପ୍ରାର୍ଥୀ ହେବେ ତାହା ସ୍ଥିର ହୋଇନାହିଁ। ଏହା ଉପରେ ସେ କହିଛନ୍ତି ଯେ ସେ ୪-୫ ଦିନ ମଧ୍ୟରେ ଘୋଷଣା କରିବେ।