ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପ୍ରଧାନମନ୍ତ୍ରୀଙ୍କ ଉପରେ ବର୍ଷିଛନ୍ତି କଂଗ୍ରେସ ସଭାପତି ମଲ୍ଲକାଜ୍ଜୁର୍ନ ଖଡ଼ଗେ । ରବିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିରୋଧୀ ମେଣ୍ଟ ଇଣ୍ଡିଆ ଉପରେ କଟାକ୍ଷ କରିଥିଲେ । ଯାହାକୁ ନେଇ କଂଗ୍ରେସ ନେତା ମଲ୍ଲିକାଜ୍ଜୁର୍ନ ଖଡଗେ ଏକ ଟ୍ୱିଟ କରି ପ୍ରଧାନମନ୍ତ୍ରୀଙ୍କ ଉପରେ ବର୍ଷିଛନ୍ତି । ସେ କହିଛନ୍ତି ପ୍ରଧାନମନ୍ତ୍ରୀ ମୋଦି ବିରୋଧୀଙ୍କୁ ନକାରାତ୍ମକ ରାଜନୀତି କରୁଥିବା ଅଭିଯୋଗ କରିଛନ୍ତି । ମୋଦି କହିଛନ୍ତି ‘ଭାରତ ଛାଡ’ ଆନ୍ଦୋଳନ ଦ୍ୱାରା ଅନୁପ୍ରାଣିତ ‘ଦୁର୍ନୀତି, ରାଜବଂଶ ଏବଂ ଆପତ୍ତିଜନକ ଭାରତ’ କୁ ସମର୍ଥନ କରୁଛି।
ଭିଡିଓ କନଫରେନ୍ସ ମାଧ୍ୟମରେ ସାରା ଦେଶରେ ୫୦୮ ରେଳ ଷ୍ଟେସନର ପୁନଃନିର୍ମାଣ କାର୍ଯ୍ୟ ପାଇଁ ଭିତ୍ତି ପ୍ରସ୍ତର ସ୍ଥାପନ କରିବା ପରେ ସେ ଏକ କାର୍ଯ୍ୟକୁ ସମ୍ବୋଧିତ କରି ବିରୋଧୀଙ୍କୁ ଟାର୍ଗେଟ କରିଥିଲେ। ଯାହାକୁ ନେଇ କଂଗ୍ରେସ ସଭାପତି ମଲ୍ଲିକାଜ୍ଜୁର୍ନ ଖଡଗେ ଟ୍ୱିଟ କରି କହିଛନ୍ତି, ପ୍ରଧାନମନ୍ତ୍ରୀ ମୋଦି, ଗତ ୧୦ବର୍ଷ ଧରି ତୁମେ କେବଳ ଭାଙ୍ଗିବାର ନକାରାତ୍ମକ ରାଜନୀତି କରିଛ। ଇଣ୍ଡିଆ ପାଇଁ ମଧ୍ୟ ତୁମ ପାଟିରୁ ତିକ୍ତ ଶବ୍ଦ ବାହାରୁଛି ।
ସେ ଆହୁରି ମଧ୍ୟ କହିଛନ୍ତି ଗତ ୩ ମାସ ଧରି ଆପଣ ମଣିପୁରରେ ହୋଇଥିବା ହିଂସାକୁ ନିୟନ୍ତ୍ରଣ କରିବାରେ ସକ୍ଷମ ହୋଇ ନାହାନ୍ତି। ତୁମର ବିଭାଜନକାରୀ ରାଜନୀତି ଗୃହଯୁଦ୍ଧ ପରି ପରିସ୍ଥିତି ସୃଷ୍ଟି କରିଛି । ଏପର୍ୟ୍ୟନ୍ତ ୧୫୦ ରୁ ଅଧିକ ଲୋକ ପ୍ରାଣ ହରାଇଛନ୍ତି। ସେ ଆହୁରି ମଧ୍ୟ ଲେଖିଛନ୍ତି ଯେ ହରିୟାଣାରେ କ’ଣ ଘଟୁଛି ପୁରା ଦେଶ ନଜର ରଖିଛି। ଯେଉଁଠାରେ ଦଶନ୍ଧି ଧରି ଦଙ୍ଗା ହୋଇ ନଥିଲା, ତୁମର ସରକାର ଏବଂ ଭାଇ ଭାଇ ଭିତରେ ଝଗଡ଼ା କରାଉଛନ୍ତି ।
