ମଣିପୁରରେ କିପରି ଶାନ୍ତି ପ୍ରତିଷ୍ଠା ହୋଇପାରିବ.. ୬ହଜାରରୁ ଅଧିକ ହତିଆର ଏବେ ବି ମଣିପୁରରେ ଅଛି: ଗୌରବ ଗୋଗୋଇ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମଣିପୁର ହିଂସାକୁ ନେଇ କଂଗ୍ରେସ ସାଂସଦ ଗୌରବ ଗୋଗୋଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ଖୁବ ବର୍ଷିଛନ୍ତି । ଗୋଗୋଇ କହିଛନ୍ତି ଯେ ସ୍ୱାଧୀନତା ଦିବସରେ ଲାଲକିଲାରୁ ପ୍ରଧାନମନ୍ତ୍ରୀଙ୍କ ଭାଷଣ ଦେଶକୁ ବିଭ୍ରାନ୍ତ କରିଛି। ଗୌହାଟି ଗଣମାଧ୍ୟମ ସହ କଥାବାର୍ତ୍ତା କରି ଗୌରବ ଗୋଗୋଇ କହିଛନ୍ତି ଯେ ପ୍ରଧାନମନ୍ତ୍ରୀ ତାଙ୍କ ଭାଷଣରେ ଲୋକଙ୍କୁ ବିଭ୍ରାନ୍ତ କରିଛନ୍ତି। ମଣିପୁରରେ କିପରି ଶାନ୍ତି ପ୍ରତିଷ୍ଠା ହୋଇପାରିବ । ୬ହଜାରରୁ ଅଧିକ ହତିଆର ଓ ୬ ଲକ୍ଷରୁ ଅଧିକ ଗୁଳି ଏବେ ବି ମଣିପୁରରେ ରହିଛି ।
ପୋଲିସଠାରୁ ଲୁଟ୍ ହୋଇଥିବା ଅସ୍ତ୍ରଶସ୍ତ୍ରଗୁଡ଼ିକୁ ଟ୍ରେଜେରୀରେ ଜମା ନହେବା ପର୍ଯ୍ୟନ୍ତ ସେଠାରେ ଶାନ୍ତି ପ୍ରତିଷ୍ଠା ହୋଇପାରିବ ନାହିଁ। ମଙ୍ଗଳବାର ଲାଲକିଲାରୁ ପ୍ରଧାନମନ୍ତ୍ରୀ କହିଥିଲେ ମଣିପୁରରେ ଶାନ୍ତି ଧିରେ ଧିରେ ଫେରୁଛି । ମଣିପୁର ସହିତ ଦେଶ ଛିଡା ହୋଇଛି, ରାଜ୍ୟରେ ସ୍ଥିରତା ଆଣିବା ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର କଠିନ ପରିଶ୍ରମ କରୁଛନ୍ତି। ଶାନ୍ତିପୂର୍ଣ୍ଣ ଭାବେ ଏହି ସମସ୍ୟାର ସମାଧାନ ହେବ ବୋଲି ପ୍ରଧାନମନ୍ତ୍ରୀ କହିଥିଲେ।