କିନ୍ନରମାନଙ୍କୁ ମିଳିଛି ଭତ୍ତା
ଭଦ୍ରକ(ବଡ଼ ଖବର ବ୍ୟୁରୋ): କିନ୍ନରମାନଙ୍କୁ ପ୍ରଥମଥର ପାଇଁ ମିଳିଛି ଭତ୍ତା । ଭଦ୍ରକ ଜିଲ୍ଲାରେ ରହୁଥିବା କିନ୍ନର ମାନଙ୍କୁ ପ୍ରଥମ ଥର ପାଇଁ ଭତ୍ତା ପ୍ରଦାନ କରାଯାଇଛି । ବହୁଦିନ ଧରି ଦାବୀ କରିଆସୁ ଥିବା ଅର୍ଦ୍ଧନାରୀଶ୍ୱର କିନ୍ନର ସଂଘର ଦାବୀ ପୂରଣ ହୋଇଛି । ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଭଦ୍ରକ ବିଧାୟକ ସଂଜୀବ କୁମାର ମଲ୍ଲିକ ଅତିଥି ଭାବେ ଯୋଗ ଦେଇ ଏହି ଭତ୍ତା ପ୍ରଦାନ କରିଥିଲେ ।
ପ୍ରଥମ ପର୍ଯ୍ୟାୟରେ ୮ ଜଣଙ୍କୁ ଭତ୍ତା ପ୍ରଦାନ କାରାଯାଇଛି । ମଧୁବାବୁ ପେନ୍ସନ୍ ଯୋଜନାରେ ୨୦୨୦ ନଭେମ୍ବର ଓ ଡିସେମ୍ବର ୨ ମାସର ଭତ୍ତା ବାବଦକୁ ପ୍ରତେକଙ୍କୁ ୧ ହଜାର ଟଙ୍କା ଲେଖାଏଁ ଦିଆଯାଇଛି । ଏହି କାର୍ଯ୍ୟକ୍ରମରେ ଜିଲ୍ଲାପାଳ ଡ. ଜ୍ଞାନ ଦାସଙ୍କ ସହିତ କାର୍ଯ୍ୟାଳୟର ଅନ୍ୟ ଅଧିକାରୀମାନେ ମଧ୍ୟ ଉପସ୍ଥିତ ଥିଲେ । ତେବେ ଏହି ଖୁସିରେ ନବଜୀବନ କିନ୍ନର ସଂଘ ପକ୍ଷରୁ ଚରମ୍ପା ଷ୍ଟେସନଠାରେ କିଛି ଦୁଃଖୀ ଦରିଦ୍ରଙ୍କୁ ଶୁଖିଲା ଖାଦ୍ୟ ଓ ଫଳ ବଣ୍ଟନ କରାଯାଇଥିଲା । ବହୁ ଦିନର ଦାବୀ ପରେ ଆଜି ଭତ୍ତା ପାଇଥିବାରୁ ଭଦ୍ରକ ବିଧାୟକଙ୍କୁ କୃତଜ୍ଞତା ଜଣାଇଛନ୍ତି କିନ୍ନର ସଂଘ ।
