ଭୁବନେଶ୍ୱର (ବଡ଼ ଖବର ବ୍ୟୁରୋ): ଟ୍ରେନଟ୍ରାଜେଡିକୁ ନେଇ କଂଗ୍ରେସର ପ୍ରେସମିଟ । କେନ୍ଦ୍ର ଉପରେ ବର୍ଷିଛନ୍ତି ପିସିସି ସଭାପତି ଶରତ ପଟ୍ଟନାୟକ । କହିଛନ୍ତି ରେଳମନ୍ତ୍ରୀ ଇସ୍ତଫା ଦିଅନ୍ତୁ । ଭିତ୍ତିଭୂମିର ବିକାଶ ପାଇଁ ପଦକ୍ଷେପ ନନେବାରୁ ଦୁର୍ଘଟଣା ହେଲା । ଦୁର୍ଘଟଣାକୁ ନେଇ ରେଳ ମନ୍ତ୍ରୀଙ୍କ ମନ୍ତବ୍ୟ ସନ୍ଦେହ ସୃଷ୍ଟି କରୁଛି । ସକାଳେ କହିଲେ ଦୋଷୀ ଚିହ୍ନଟ, ରାତିରେ କହିଲେ ସିବିଆଇ ତଦନ୍ତ ହେବ । ମନ୍ତ୍ରୀଙ୍କ ଏଭଳି ମନ୍ତବ୍ୟ ଦୁର୍ଭାଗ୍ୟଜନକ, ସନ୍ଦେହ ସୃଷ୍ଟି କରୁଛି । ସେ ଆହୁରି ମଧ୍ୟ ମୃତକ ଏବଂ ଆହତଙ୍କ ପରିବାରରୁ ଜଣଙ୍କୁ ଚାକିରି ଦିଆଯାଉ । ପ୍ରକୃତ ସଂଖ୍ୟା ଲୁଚା ଯାଉଛି, ମୃତ୍ୟୁ ସଂଖ୍ୟା ପ୍ରାୟ ୫ଶହ ହେବ ।
ସେପଟେ ବାହାନଗା ଟ୍ରାଜେଡି ନେଇ ରେଳମନ୍ତ୍ରୀଙ୍କ ଇସ୍ତଫା ଦାବି କରିଛନ୍ତି କଂଗ୍ରେସ ନେତା ବିଜୟ ପଟ୍ଟନାୟକ । କହିଛନ୍ତି ଘଟଣା ଅତ୍ୟନ୍ତ ଦୁଃଖ ଦାୟକ, ରେଳ ମନ୍ତ୍ରୀ ଇସ୍ତଫା ଦିଅନ୍ତୁ’ । ‘କାହିଁକି ଖାମଖିଆଲି ଭାବେ ବିଭାଗ ଚଳାଉଛନ୍ତି, ରେଳ ମନ୍ତ୍ରୀ ଉତ୍ତର ଦିଅନ୍ତୁ । ଗୋଟିଏ ବଗିରୁ ୨୦ ମୃତଦେହ ବାହାର କରିବାକୁ ୨୪ ଘଣ୍ଟା ଲାଗିଲା । ୨୪ ଘଣ୍ଟା ପୂର୍ବରୁ ଉଦ୍ଧାର ହୋଇଥିଲେ ଆଉ କିଛି ବଞ୍ଚି ଯାଇଥାନ୍ତେ । ଅପରାଧିକ ପୃଷ୍ଠଭୂମି ଥିଲେ ଘଟଣାର ସିବିଆଇ ତଦନ୍ତ ହୋଇଥା । ‘ତା ମାନେ ରେଳ ମନ୍ତ୍ରୀ ମାନୁଛନ୍ତି କିଛି ଅପରାଧିକ କାର୍ଯ୍ୟକଳାପ ହୋଇଛି । ଅପରାଧିକ କାର୍ଯ୍ୟକଳାପ କିଏ କରିଛି ରେଳମନ୍ତ୍ରୀକୁ ପ୍ରଶ୍ନ କରିଛନ୍ତି ବିଜୟ ।
