ବାଲେଶ୍ୱର (ବଡ଼ ଖବର ବ୍ୟୁରୋ): ବାଲେଶ୍ୱର ଜିଲ୍ଲା ଅନ୍ତର୍ଗତ ସିଂଲା ଓ ବାଳିଆପାଳ ର ଦୁଇଟି ନୂତନ ଥାନା ଗୃହକୁ ଉଦଘାଟନ କରିଛନ୍ତି ଓଡିଶା ପୋଲିସ ମହାନିର୍ଦେଶକ ସୁନୀଲ କୁମାର ବଂଶଲ । ଏହି ଉଦଘାଟନୀ ଉତ୍ସବ ରେ ବସ୍ତା ବିଧାୟକ ନିତ୍ୟାନନ୍ଦ ସାହୁ ମୁଖ୍ୟ ଅତିଥି ଭାବରେ ଯୋଗଦେଇ ଥିବା ବେଳେ ସମ୍ମାନିତ ଅତିଥି ଭାବରେ ପୂର୍ବାଞ୍ଚଳ ଆଇଜି ହିମାଂଶୁ ଲାଲ , ଅତିରିକ୍ତ ପୋଲିସ ମହାନିର୍ଦେଶକ ଆଇନ ଶୃଙ୍ଖଳା ବିଭାଗ ସଞ୍ଜୟ କୁମାର ,ବାଲେଶ୍ୱର ଏସପି ବାଲେଶ୍ୱରସାଗରିକା ନାଥ ପ୍ରମୁଖ ଯୋଗଦେଇ ଥିଲେ । ଏହି ଅବସରରେ ଉଭୟ ଥାନା ପରିସର ରେ ଆୟୋଜିତ ଉଦଘାଟନୀ ଉତ୍ସବ ରେ କାର୍ଯ୍ୟରତ ସମସ୍ତ ପୋଲିସ ଅଧିକାରୀ ଙ୍କ ସମେତ ସ୍ଥାନୀୟ ଅଞ୍ଚଳ ର ବହୁ ବୁଦ୍ଧିଜିବୀ ଯୋଗଦେଇ ଥିଲେ । ଦୁଇ କୋଟି ଟଙ୍କା ଲେଖାଏଂ ବିନିମୟରେ ଏହି ଦୁଇଟି ଥାନା ର ନୂତନ ଗୃହ ନିର୍ମାଣ ହୋଇଥିବା ବେଳେ ଏହା ଆଦର୍ଶ ଥାନା ଭାବରେ ପରିଗଣିତ ହେବ । ଏହି ଅବସର ରେ ପୋଲିସ ଓ ସାଧାରଣ ଜନତା ମଧ୍ୟରେ ସୁସମ୍ପର୍କ ସ୍ଥାପନ କରିବା ପାଇଁ ସମସ୍ତଙ୍କୁ ସହଯୋଗ କରିବାକୁ ନିବେଦନ କରିଥିଲେ ରାଜ୍ୟ ପୋଲିସ ମହାନିର୍ଦ୍ଦେଶକ ସୂନୀଲ ବଂଶଲ ।
