Before Header

କରୋନା ଗ୍ରାଫ ତଳମୁହାଁ

0 98

ନୂଆଦିଲ୍ଲୀ, (ବଡ଼ ଖବର ବ୍ୟୁରୋ): ଦେଶେରେ ନିୟନ୍ତ୍ରଣକୁ ଆସୁଛି କରୋନା । କମୁଛି ମୃତ୍ୟୁ ସଂଖ୍ୟା । ଗତ ଚାରିଦିନ ହେବ କରୋନା ଜନିତ ମୃତ୍ୟୁ ସଂଖ୍ୟା କମିବାରେ ଲାଗିଛି । ମଙ୍ଗଳବାର ଦେଶରେ ୧୧୨୪ଜଣଙ୍କ ଜୀବନ ଯାଇଥିବା ବେଳେ ବୁଧବାର ୯୮୬ଜଣଙ୍କ ମୃତ୍ୟୁ ହୋଇଥିଲା । ଗୁରବାର ଏହି ସଂଖ୍ୟା ୯୭୧ ଥିବା ବେଳେ ଶୁକ୍ରବାର ୯୬୫ଜଣଙ୍କ ମୁଣ୍ଡ ନେଇଥିଲା ମହାମାରୀ କରୋନା । ତେବେ ଗତ ଚବିଶ ଘଣ୍ଟାରେ ଦେଶରେ ୯୨୬ଜଣଙ୍କ ମୃତ୍ୟୁ ହୋଇଛି ।
ସେପଟେ ଆଜି ଦେଶରେ ଆଉ ୭୩ହଜାର ୨୭୨ଟି ନୂଆ ମାମଲା ଚିହ୍ନଟ ହୋଇଛି । ଏହାକୁ ମିଶାଇ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ୬୯ଲକ୍ଷ୭୯ହଜାର୪୨୪କୁ ବୃଦ୍ଧି ପାଇଛି । ସେମାଙ୍କ ମଧ୍ୟରୁ ୫୯ଲକ୍ଷ ୮୮ହଜାର ୮୨୨ଜଣ ସୁସ୍ଥ ହୋଇସାରିଛନ୍ତି । ଦେଶରେ ଏବେ ୮ଲକ୍ଷ୮୩ହଜାର୧୮୫ଟି ଆକ୍ଟିଭ କେଶ ରହିଛି । ଆଜିର ମୃତକଙ୍କୁ ମିଶାଇଲେ ଦେଶରେ ମୃତ୍ୟୁ ସଂଖ୍ୟା ୧ଲକ୍ଷ ୭ହଜାର ୪୧୬କୁ ବୃଦ୍ଧି ପାଇଛି । ଗତ କିଛିଦିନ ହେବ ଦେଶରେ କରୋନା ଗ୍ରାଫ ତଳମୁହାଁ ହେବା ସହ ସୁସ୍ଥ ହାର ମଧ୍ୟ ବଢିବାରେ ଲାଗିଛି ବୋଲି କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି ।

Leave A Reply

Your email address will not be published.