ଡିସଚାର୍ଜ ହେଲେ ପୂର୍ବତନ ପ୍ରଧାନମନ୍ତ୍ରୀ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ହସ୍ପିଟାଲରୁ ଡିସଚାର୍ଜ ହେଲେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ । ଦିଲ୍ଲୀସ୍ଥିତି ଏମ୍ସରେ ଦୀର୍ଘଦିନ ଧରି ସେ ଚିକିତ୍ସିତ ହେଉଥିଲେ । ଏନେଇ ମନମୋହନଙ୍କ ପରିବାର ପକ୍ଷରୁ ସୂଚନା ଦିଆଯାଇଛି । ସେପଟେ ଗତ ଅକ୍ଟୋବର ୧୩ ତାରିଖରୁ ଏମ୍ସରେ ଭର୍ତ୍ତି ହୋଇଥିଲେ ୮୯ ବର୍ଷୀୟ ମନମୋହନ । ଜ୍ବର ଏବଂ ଦୁର୍ବଳ ଅନୁଭବ କରିବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା ।

୧୮ ଦିନ ହସ୍ପିଟାଲରେ ରହି ଚିକିତ୍ସିତ ହେବା ପରେ ରବିବାର ତାଙ୍କୁ ଡିସଚାର୍ଜ କରାଯାଇଛି । ଓଡିଆ ଡାକ୍ତର ନୀତିଶ ନାଏକଙ୍କ ତତ୍ତ୍ବାବଧାନରେ ତାଙ୍କର ଚିକିତ୍ସା ଚାଲିଥିଲା । ଡକ୍ଟର ନାଏକ କାର୍ଡିଓଲୋଜି ବିଭାଗରେ ବହୁ ବର୍ଷ ଧରି କାର୍ୟ୍ୟ କରିବାର ଦକ୍ଷତା ରଖିଛନ୍ତି । ସେ ବିଗତ ଦିନରେ ଅନେକ ଦିନ ଧରି ପୂର୍ବତନ ପ୍ରଧାନମନ୍ତ୍ରୀ ଡକ୍ଟର ମନମୋହନ ସିଂହଙ୍କ ଚିକିତ୍ସକ ରହିସାରିଛନ୍ତି ।