ଦିନକରେ ଦେଶରେ କରୋନା ରୋଗୀଙ୍କ ମୃତ୍ୟୁ ୯୪୦

ନୁଆଦିଲ୍ଲୀ (ବଡ଼ ଖବର ବ୍ୟୁରୋ): ହୁ ହୁ ହୋଇ ବଢିବାରେ ଲାଗିଛି ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା । ଭାରତର ଆକ୍ରାନ୍ତଙ୍କ ସଂଖ୍ୟା ବିଶ୍ୱରେ ଦ୍ୱିତୀୟ ସର୍ବାଧିକ । ଆଜି ଗୋଟିଏ ଦିନରେ ଦେଶରେ ୭୫,୮୨୯ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୯୪୦ଜଣଙ୍କର ମୃତ୍ୟୁ ହୋଇଛି । ଆଜିକୁ ମିଶାଇ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ୬୫ ଲକ୍ଷ ୪୯ହଜାର ୩୭୪ରେ ପହଁଚିଛି  । ସେପଟେ ୧ଲକ୍ଷ ୧ହଜାର ୭୮୨ଜଣଙ୍କ ମୁଣ୍ଡ ନେଲାଣି ମହାମରୀ କରୋନା । ବର୍ତ୍ତମାନ ଦେଶରେ ୯,୩୭,୬୨୫ଟି ଆକ୍ଟିଭ କେସ୍ ରହିଛି । ଏଯାବତ୍ ଦେଶରେ ୫୫,୦୯,୯୬୭ଜଣ କରୋନା ଆକ୍ରାନ୍ତ ସୁସ୍ଥ ହୋଇସାରିଲେଣି ବୋଲି କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ କୁହାଯାଇଛି ।