ମହାଦେବଙ୍କୁ କରୋନା

ମୁମ୍ବାଇ (ବଡ ଖବର ବ୍ୟୁରୋ): କୋରୋନାର ଦ୍ବିତୀୟ ଲହର ସାରା ଦେଶରେ ହାହାକାର ପରିସ୍ଥିତି ସୃଷ୍ଟି କରିଛି । ବହୁ ବଲିଉଡ ସେଲିବ୍ରିଟି ଏହି ସଂକ୍ରମଣରେ ସଂକ୍ରମିତ ହୋଇସାରିଲେଣି । ଏବେ ଟିଭି ସିରିଏଲ ‘ଦେବୋ କେ ଦେବ ମହାଦେବ’ର ଅଭିନେତା ମୋହିତ ରାଇନା ମଧ୍ୟ କରୋନା ପଜେଟିଭ ଚିହ୍ନଟ ହୋଇଛନ୍ତି । ଏବେ ସେ ହସ୍ପିଟାଲରେ ଭର୍ତ୍ତି ହୋଇଥିବା ସୂଚନା ମିଳିଛି । ଏନେଇ ମୋହିତ ନିଜେ ସୋସିଆଲ ମିଡିଆରେ ଏହି ସୂଚନା ଦେଇଛନ୍ତି ।

ମୋହିତ ଇନଷ୍ଟାଗ୍ରାମରେ ହସ୍ପିଟାଲରୁ ଏକ ଫଟୋ ସେୟାର କରିଛନ୍ତି । ଯେଉଁଥିରେ ତାଙ୍କ ହାତରେ ଡ୍ରିପ ଲଗା ଯାଇଥିବାର ଦେଖିବାକୁ ମିଳିଛି । ପୋଷ୍ଟରେ ମୋହିତ ଲେଖିଛନ୍ତି, ଯେତେବେଳେ ମୁଁ ବାହାର ଏବଂ ଭିତରକୁ ଦେଖେ ମୁଁ ସମସ୍ତଙ୍କ ପାଇଁ ପ୍ରାର୍ଥନା କରେ । ମୋ ବାପା ସର୍ବଦା କୁହନ୍ତି ଯେ ପ୍ରାର୍ଥନା ଯାଦୁ ପରି କାମ କରେ । ସମସ୍ତଙ୍କୁ ଅନୁରୋଧ କରୁଛି ଯେ ସୁରକ୍ଷିତ ରୁହନ୍ତୁ । ଗତ ସପ୍ତାହରେ କୋଭିଡ ଟେଷ୍ଟ ପଜିଟିଭ୍ ପରେ ମୁଁ ହସ୍ପିଟାଲରେ ଭର୍ତ୍ତି ହୋଇଛି । ଏବେ ମୋହିତଙ୍କ ଏହି ପୋଷ୍ଟ ଦେଖି ତାଙ୍କ ଫ୍ୟାନ୍ସ ମାନେ ତାଙ୍କ ଆରୋଗ୍ୟ କାମନା କରିଛନ୍ତି ।