କେବୁଲ ଟିଭି ଓ ଇଣ୍ଟରନେଟ କର୍ମଚାରୀଙ୍କୁ ‘କରୋନା ଯୋଦ୍ଧା’ ମାନ୍ୟତା କେବେ ?

ଭୁବନେଶ୍ଵର (ବଡ଼ ଖବର ବ୍ୟୁରୋ): ଜନତାଦଳ ୟୁନାଇଟେଡ଼ (ଜେଡିୟୁ) ର ରାଜ୍ୟ ସାଧାରଣ ସମ୍ପାଦକ ତଥା ପ୍ରବକ୍ତା ସୋମନାଥ ରାଉତରାୟ ରାଜ୍ୟରେ ଥିବା ସମସ୍ତ କେବୁଲ ଟିଭି କର୍ମଚାରୀ ଓ ଇଣ୍ଟରନେଟ ସେବା ଯୋଗାଉଥିବା କର୍ମଚାରୀମାନଙ୍କୁ ‘କରୋନା ଯୋଦ୍ଧା’ ମାନ୍ୟତା ଦେବାକୁ ଦାବି କରିଛନ୍ତି । ଶ୍ରୀ ରାଉତରାୟ କହିଛନ୍ତି ଯେ, କେବୁଲ ଟିଭି କର୍ମଚାରୀ ଓ ଇଣ୍ଟରନେଟ ସେବା ଯୋଗାଉଥିବା କର୍ମଚାରୀମାନେ ଜନସାଧାରଣଙ୍କ ସେବାରେ ନିୟୋଜିତ କରି ନିଜ କର୍ତବ୍ୟ ସମ୍ପାଦନା କରନ୍ତି ।

ଏହି ‘ମହାମାରୀ’ ସମୟରେ କେତକ ‘କେବୁଲ ଟିଭି ଅପରେଟର’ ଓ ସେମାନଙ୍କ କର୍ମଚାରୀଙ୍କ ଅକାଳ ମୃତ୍ୟୁ ହେଲାଣି । ସେମାନେ ଅନ୍ୟମାନଙ୍କ ଭଳି ପ୍ରକୃତ ଯୋଦ୍ଧା । ସେମାନଙ୍କ ପ୍ରତି ସରକାର ଓ ଅନ୍ୟ ରାଜନୈତିକ ଦଳ ବୈମାତୃକ ଭାବ ପ୍ରଦର୍ଶନ କରିବା ଉଚିତ ନୁହଁ । ସରକାର ଥରେ ଚିନ୍ତା କରନ୍ତୁ, ଯଦି କେବୁଲ ଟିଭି କର୍ମଚାରୀ ଓ ଇଣ୍ଟରନେଟ ସେବା ଯୋଗାଉଥିବା କର୍ମଚାରୀ ମହାମାରୀ ସମୟରେ କାର୍ୟ୍ୟ କରୁନଥାନ୍ତେ ତେବେ ‘ଲକଡାଉନ’ ଓ ‘ସଟଡାଉନ’ ସମୟରେ ଜନସାଧାରଣ ଘରେ ଆବଦ୍ଧ ହୋଇ ଅଶ୍ଵସ୍ତିକର ଅନୁଭବ କରିପାରୁନଥାନ୍ତେ କି ? ତୁରନ୍ତ ଏହି କର୍ମଚାରୀ ମାନଙ୍କୁ ‘କରୋନା ଯୋଦ୍ଧା’ ଘୋଷଣା କରିବାକୁ ଶ୍ରୀ ରାଉତରାୟ ସରକାରଙ୍କ ନିକଟରେ ଦାବି କରିଛନ୍ତି ।