ଘଷିପୁରା (ବଡ଼ ଖବର ବ୍ୟୁରୋ): ଫ୍ରି ଫାୟାର ଗେମ୍ ନେଲା ୯ମ ଣ୍ରେଣୀ ଛାତ୍ର ଜୀବନ । କେନ୍ଦୁଝର ଜିଲ୍ଲା ଘଷିପୁରା ଥାନା ଇନ୍ଦୁପୁରା ଗାଁ ରେ ଫ୍ରିଫାୟାର ଗେମ୍ ନେଇଛି ଜଣେ ଛାତ୍ରର ଜୀବନ । ମୃତକ ହେଲେ ଆନନ୍ଦପୁର ଆର୍ଦଶ ବିଦ୍ୟାଳୟର ୯ମ ଶ୍ରୋଣୀର ଛାତ୍ର ସୋମ୍ୟ ରଂଜନ ଜେନା । ସୋମ୍ୟ ମୋବାଇଲରେ ଫ୍ରି ଫାୟାର ଗେମ ଖେଳିବାକୁ ମାଆଙ୍କୁ ମୋବାଇଲ ମାଗିଥିଲା । ହେଲେ ଗତ ୨ଦିନ ଧରି ବିଦ୍ୟାଳୟର ପରୀକ୍ଷା ଚାଲିଥିବାରୁ ତାଙ୍କ ମାଆ ମୋବାଇଲ ଦେବାକୁ ବାରଣ କରିଥିଲେ। ଏତିକିରେ ସୋମ୍ୟ ରାଗିଯାଇ ଛାତ ଉପରେ ବେକରେ ରଶି ଲଗାଇଦେଇଥିଲା ।
କିଛି ସମୟ ପରେ ତାର ଭଉଣୀ ଛାତକୁ ଯିବାରୁ ସୋମ୍ୟର ଏଅବସ୍ଥାଦେଖି ମାଆଙ୍କୁ ଜଣାଇଥିଲେ । ପରିବାର ଲୋକେ ସେଠାରୁ ତାକୁ ଉଦ୍ଧାର କରି ଆନନ୍ଦପୁର ଡାକ୍ତରଖାନା ଭର୍ତ୍ତି କରିଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏହି ଖବର ପ୍ରଚାରିତ ହୋବାପରେ ଆନନ୍ଦପୁର ଆର୍ଦଶ ବିଦ୍ୟାଳୟରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି।
