ରାସ୍ତା କାମରେ ମହାଦୁର୍ନୀତି, ୫ ଦିନରେ ଉଠିଲାଣି ପିଚୁ
ସୋର (ବଡ଼ ଖବର ବ୍ୟୁରୋ):ରାସ୍ତା କାମରେ ମହାଦୁର୍ନୀତି । ପାଞ୍ଚ ଦିନ ହେବ ତିଆରି ହୋଇଛି ରାସ୍ତା । କିନ୍ତୁ ରାସ୍ତାରୁ ଉଠଯାଉଛିି ପିଚୁ । ଗାଡ଼ି ଯିବାତ ଦୂରର କଥା ଝାଡ଼ୁ ମାରିଲେ ପିଚୁ ଝଡ଼ୁଛି । ଏଭଳି ଘଟଣାଟ ଦେଖିବାକୁ ମିଳିଛି ସୋର ଓ ଖଇରା ବ୍ଲକ ତୁରିଗଡ଼ିଆରୁ ଗଂଢୁଆ ଭାୟା ରଫାୟତପୁର ରାସ୍ତାର । ସୋରରୁ ଖଇରା ବ୍ଲକର କିଛି ଗ୍ରାମକୁ ସଂଯୋଗ ହୋଇଛି ଏହି ରାସ୍ତା ।
୨୦୧୬ରେ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ରାସ୍ତା କାମ ହୋଇଥିଲା । ବର୍ତ୍ତମାନ ଏହି ରାସ୍ତାକୁ ମରାମତି କରାଯିବାକୁ ଆସିଥିବା ଅର୍ଥ ଓ କାମର କୌଣସି ସୂଚନା ଫଳକ ନଥାଇ ଗତ ୫ ଦିନ ତଳେ ଏହି ରାସ୍ତା କାମ ଆରମ୍ଭ ହୋଇଥିଲା। କିନ୍ତୁ କାମରେ ମହାଦୁର୍ନୀତି ହୋଇଥିବା ଅଭିଯୋଗ କରିଛନ୍ତି ଗ୍ରାମବାସୀ । ରାସ୍ତାକାମ ନିମ୍ନମାନର ହେଉଥିବା ଜାଣିବାକୁ ପାଇଥିଲେ ଗ୍ରାମବାସୀ । ଯାହାକୁ ନେଇ ପ୍ରତିବାଦ ମଧ୍ୟ କରିଥିଲେ । କିନ୍ତୁ ଠିକାଦାର ଏପରି କାମ ହୁଏ ବୋଲି ଗ୍ରାମବାସୀଙ୍କୁ କହି କାମ କରି ଚାଲିଯାଇଥିଲେ । ମାତ୍ର କାମ ସରିବାକୁ ୫ ଦିନ ନପୁରୁଣୁ ରାସ୍ତାରୁ ପିଚୁ ଉଠିବାକୁ ଲାଗିଲାଣି। ଗାଡି ଯିବା କ୍ଷଣି ପିଚୁ ରାସ୍ତାରୁ ଛିଟୁକୁ ଥିବା ବେଳେ ପାଦରେ ଦାବିଦେଲେ ଏବଂ ଝାଡୁ ମାରିଦେଲେ ପିଚୁ ଝଡିଯାଉଥିବା ଦେଖିବାକୁ ମିଳିଛି। ଯାହାକୁ ନେଇ ସ୍ଥାନୀୟ ୭/୮ ଖଣ୍ଡ ଗାଁର ଲୋକେ ପ୍ରତିବାଦ ଜଣାଇବା ସହିତ ତୁରନ୍ତ ସମାଧାନ କରିବା ପାଇଁ ଚେତାବନୀ ହେଇଛନ୍ତି । ଯଦି ତୁରନ୍ତ ଏହାର ସମାଧାନ ନକରାଯାଏ ତେବେ ଆଗାମୀ ଦିନରେ ଆନ୍ଦୋଳନ କରିବା ସହିତ ଭୋଟ ବର୍ଜନ କରିବେ ବୋଲି କହିଛନ୍ତି ।