ଓଡ଼ିଶା ପାଇପ୍ ଜଳ ଯୋଗାଣ କର୍ମଚାରୀଙ୍କ ପକ୍ଷରୁ ଧାରଣା
କଟକ (ବଡ଼ ଖବର ବ୍ୟୁରୋ): ଓଡ଼ିଶା ପାଇପ୍ ଜଳ ଯୋଗାଣ କର୍ମଚାରୀଙ୍କ ପକ୍ଷରୁ ଆଜି କଟକ ମହାନଦୀ ବିହାର ଗ୍ରାମ୍ୟ ଜଳ ଯୋଗାଣ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରି ଦାବି ପୂରଣ ନିମନ୍ତେ ଧାରଣାରେ ବସିଥିଲେ। ସୂଚନା ଅନୁସାରେ ଅଧିକ୍ଷଣ ଯନ୍ତ୍ରୀ ଅଧିନସ୍ଥ କର୍ମଚାରୀମାନଙ୍କୁ ନୀଚ ଦୃଷ୍ଟିରେ ଦେଖିବା , ଇଂରେଜମାନଙ୍କ ଭଳି ବ୍ୟବହାର କରିବା ସହିତ ସେମାନଙ୍କ ପ୍ରାପ୍ୟ ଦରମାକୁ ମାସ ମାସ ଧରି ବନ୍ଦ ରଖିବା ଏବଂ ବର୍ଦ୍ଧିତ ଦରମାକୁ ନଦେଇ ଶ୍ରମିକ ମାରଣ ନୀତି କରୁଛନ୍ତି।
ଅଧିକ୍ଷଣ ଯନ୍ତ୍ରୀଙ୍କ ଏଭଳି କାର୍ଯ୍ୟ ଯୋଗୁଁ ଅଧିନସ୍ଥ କର୍ମଚାରୀମାନେ ଦୀର୍ଘ ୩୦ ବର୍ଷ ଧରି ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଯଦି ଏହି ନିମ୍ନ ପଦସ୍ଥ କର୍ମଚାରୀଙ୍କର ଦାବି ପୂରଣ ନ ହୁଏ ତାହେଲେ ଆଗାମୀ ଦିନରେ ଏକ ବଡଧରଣର ବିକ୍ଷୋଭ ହେବାର ଆଶଙ୍କା ଦେଖାଦେଇଛି।
