ଋଷିକୁଲ୍ୟା ନଦୀରେ ବୁଡ ପକାଇବା ପାଇଁ ଶ୍ରଦ୍ଧାଳୁଙ୍କ ଭିଡ଼

ଆସିକା (ବଡ଼ ଖବର ବ୍ୟୁରୋ): ବିଶ୍ୱାସ ରହିଛି ପବିତ୍ର ନଦୀରେ ବୁଡ ପକାଇ ପିଣ୍ଡଦାନ କଲେ ପିତୃପୁରୁଷ ଶାନ୍ତି ହୋଇଥାନ୍ତି । ଏହି ବିଶ୍ୱାସକୁ ନେଇ ପ୍ରତିବର୍ଷ ପରି ଚଳିତ ବର୍ଷ ଋଷିକୁଲ୍ୟା ଓ ବଡନଦୀର ସଂଗମ ସ୍ଥଳ ଉତ୍ତରବାଙ୍କ ଠାରେ ଶ୍ରଦ୍ଧାଳୁମାନେ ବୁଡ ପକାଇଛନ୍ତି । ପିତୃ ପୁରୁଷଙ୍କ ଅସ୍ଥି ବିସର୍ଜନ ଓ ପିଣ୍ଡଦାନ କରିଛନ୍ତି । ରାତି ପାହିବା ପୂର୍ବରୁ ଲୋକାରଣ୍ୟ ହୋଇଯାଇଥିଲା ଉତ୍ତରବାଙ୍କ । ସୃଷ୍ଟି ହୋଇଥିଲା ଆଧ୍ୟାତ୍ମିକ ପରିବେଶ । ଶ୍ରଦ୍ଧାଳୁମାନଙ୍କ ସହ ଆସିଥିବା ପ୍ରଶାସନ ପକ୍ଷରୁ କୌଣସି ସୁବିଧା ସୁଯୋଗ କରାଯାଇନଥିବାରୁ ବର୍ଷା ଯୋଗୁ ଶ୍ରଦ୍ଧାଳୁମାନେ ନାହିଁ ନଥିବା ସମସ୍ୟା ଭୋଗିଛନ୍ତି ।