ଦିବ୍ୟାଙ୍ଗକୁ ଦୁଷ୍କର୍ମ, ବଇରୀ ସାଜିଲା ସମ୍ପର୍କୀୟ ଦାଦା

ଖଇରା (ବଡ଼ ଖବର ବ୍ୟୁରୋ): ଖଇରାରେ ଲଜ୍ଜ୍ୟା । ବଇରୀ ସାଜିଲା ସମ୍ପର୍କୀୟ ଦାଦା । ପ୍ରଥମେ ଭଲପାଇବା, ପରେ ଶାରିରୀକ ସମ୍ପର୍କ ଏବଂ ଶେଷରେ ଧୋକା । ଏପରି ଲଜ୍ଜ୍ୟାଜନକ ଘଟଣା ଘଟିଛି କୁଟୁରିପାଳ ଅଞ୍ଚଳରେ ଜଣେ ଦିବ୍ୟାଙ୍ଗ ନାବାଳିକାଙ୍କ ସହିତ । ଖଇରା ବ୍ଲକ ଗଡପୋଖରୀ ପଞ୍ଚାୟତର କୁଟୁରୀପାଳ ଗାଁର ଜନୈକ ଦିବ୍ୟାଙ୍ଗ ନାବାଳିକାଙ୍କୁ ସେହି ଗାଁର କୈଳାସ ସେଠୀଙ୍କ ପୁଅ ପ୍ରଦୀପ ସେଠୀ ବିବାହ କରିବାର ପ୍ରତିଶ୍ରୁତି ଦେଇଥିଲେ ।

ବିବାହର ପ୍ରଲୋଭନ ଦେଖାଇ ଦୀର୍ଘ ଏକ ବର୍ଷ ଧରି ଶାରୀରିକ ସମ୍ପର୍କ ରଖିବା ସହ ତାଙ୍କୁ ଅନ୍ତଃସତ୍ୱା ମଧ୍ୟ କରିଥିଲେ । ଦିବ୍ୟାଙ୍ଗ ନାବାଳିକା ଜଣକ ଗର୍ଭବତୀ ଥିବା ଜାଣିବା ପରେ ପ୍ରଦୀପ ବିବାହ କରିବାକୁ ମନା କରି ଦେଇଥିଲେ । ଶେଷରେ ଖଇରା ଥାନାରେ ଦ୍ବାରସ୍ଥ ହୋଇଥିଲେ ଦିବ୍ୟାଙ୍ଗ ନାବାଳିକା ଜଣକ। ଏନେଇ ଖଇରା ଥାନାରେ ମାମଲା ରୁଜୁ ହୋଇଥିବାବେଳେ ଏବେ ସମ୍ପୃକ୍ତ ଯୁବକ ଫେରାର ଥିବା ଜଣା ପଡିଛି ।