ପୁଣି ଯୁବତୀଙ୍କ ମଥାରେ ସିନ୍ଦୂର ଦେବେ ଦିବ୍ୟଶଙ୍କର
କଳାହାଣ୍ଡି(ବଡ଼ ଖବର ବ୍ୟୁରୋ): ବଲାଙ୍ଗିର ଜିଲ୍ଲାପାଳ ଓ ସମ୍ବଲପୁର ଜିଲ୍ଲାପାଳଙ୍କ ରିଙ୍ଗ ସେରିମୋନି ପରେ ପୂର୍ବତନ ଗୃହ ରାଷ୍ଟ୍ରମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ରଙ୍କ ଦ୍ୱିତୀୟ ବିବାହକୁ ନେଇ ଚର୍ଚ୍ଚା ଆରମ୍ଭ ହୋଇଗଲାଣି । କ୍ୟାପଟେନ ଦିବ୍ୟଶଙ୍କର ନିଜ ନିର୍ବାଚନମଣ୍ଡଳୀ ଜୁନାଗଡ଼ର ଗୋଲାମୁଣ୍ଡା ବ୍ଲକ ଦେକୋଟା ଗାଁର ଜଣେ ଯୁବତୀଙ୍କୁ ବିବାହ କରିବାକୁ ଯାଉଛନ୍ତି । ଆସନ୍ତା ଫେବୃଆରୀ ଶେଷ ସପ୍ତାହରେ ପୁରୀରେ ବିବାହ ଉତ୍ସବ ଆୟୋଜିତ ହୋଇପାରେ । ମମିତା ମେହେର ହତ୍ୟା ପ୍ରସଙ୍ଗ ହେଉ କିମ୍ବା ଅର୍ଚ୍ଚନା ନାଗଙ୍କ ଲିଙ୍କକୁ ନେଇ ଚର୍ଚ୍ଚାରେ ଥିବା କ୍ୟାପଟେନ ଦିବ୍ୟଶଙ୍କର ମିଶ୍ର ପୁଣି ବିବାହ କରିବାକୁ ଯାଉଥିବାରୁ ସୋସିଆଲ ମିଡ଼ିଆରେ ଏବେ ଜବରଦସ୍ତ ଭାଇରାଲ ହେବାରେ ଲାଗିଛି ।