ଭୁବନେଶ୍ୱର (ବଡ଼ ଖବର ବ୍ୟୁରୋ): ଆଞ୍ଚଳିକ ସଂଯୋଗକୁ ମଜବୁତ କରିବା ପାଇଁ ଭାରତର ବୃହତ୍ତମ ଏୟାରଲାଇନ୍ସ ଇଣ୍ଡିଗୋ ମେ ୧ରୁ ଭୁବନେଶ୍ୱର ଏବଂ ପାଟନା ମଧ୍ୟରେ ସିଧାସଳଖ ବିମାନ ଉଡ଼ାଣ ଆରମ୍ଭ କରିଛି। ଦୈନିକ ବିମାନ ଉଡ଼ାଣ ଉଭୟ ସହରରୁ ରାତି ୧୦: ୪୫ ରେ ଛାଡି ସକାଳ ୧୨:୩୫ ରେ ଅବତରଣ କରିବ ।
ଭୁବନେଶ୍ୱର ଠାରୁ ପାଟନା ପର୍ଯ୍ୟନ୍ତ ୩,୮୧୧ ଟଙ୍କା ଥିବାବେଳେ ପାଟନା ଠାରୁ ଭୁବନେଶ୍ୱର ପର୍ଯ୍ୟନ୍ତ ୩,୫୮୦ ଟଙ୍କା ହେବ ବୋଲି ଏୟାରଲାଇନ୍ସ ଏକ ବିବୃତ୍ତିରେ କହିଛି। ଏହି ବିମାନଗୁଡିକ ୨୨ ଟି ନୂତନ ବିମାନର ଅଂଶ । ଯାହାକି ଇଣ୍ଡିଗୋ ଭାରତର ପ୍ରମୁଖ ଆଞ୍ଚଳିକ ସହରଗୁଡ଼ିକୁ ସଂଯୋଗ କରିବା ପାଇଁ ଉଦ୍ୟମ କରିଛି । ଭୁବନେଶ୍ୱର-ପାଟନା ବ୍ୟତୀତ ଇଣ୍ଡିଗୋ ଆରସିଏସ ଯୋଜନା ଅନ୍ତର୍ଗତ ଅଗରତାଲା – ଆଇଜୱାଲ ଏବଂ ଜୟପୁର-ଭଦୋଦରା, ଚେନ୍ନାଇ-ଭଦୋଦରା, ବେଙ୍ଗାଲୁରୁ-ଶିର୍ଡି, ପାଟନା-କୋଚି ଏବଂ ରାଜହମୁଣ୍ଡ୍ରି-ତିରୁପତି ମଧ୍ୟରେ ନୂତନ ବିମାନ ଚଳାଚଳ କରିବ।
କୋଲକାତା-ଗୟା, କୋଚିନ୍-ତ୍ରିଭାନ୍ଦ୍ରମ, ଜୟପୁର-ସୁରଟ, ଚେନ୍ନାଇ-ସୁରଟ ମଧ୍ୟରେ ବିମାନ ସେବା ମଧ୍ୟ ଆରମ୍ଭ ହେବ। ଇଣ୍ଡିଗୋ ମୁଖ୍ୟ ରଣନୀତି ଏବଂ ରାଜସ୍ୱ ଅଧିକାରୀ ସଞ୍ଜୟ କୁମାର କହିଛନ୍ତି, “ଏହି ନୂତନ ଏକ୍ସକ୍ଲୁସିଭ୍ ରୁଟ୍ ଗୁଡିକର ପରିଚୟ ବିମାନର ଘରୋଇ ନେଟୱାର୍କକୁ ଆହୁରି ବଢାଇବ।
