ଭୁବନେଶ୍ୱର(ବଡ଼ ଖବର ବ୍ୟୁରୋ): ଡିଏନ ଗ୍ରୁପ ମୁଖ୍ୟଙ୍କୁ ଜେରା ଶେଷ ହୋଇଛି । ୪ ଦିନ ଧରି ଡିଏନ ଗ୍ରୁପ ଉପରେ ରେଡ କରୁଥିଲା ଆୟକର ବିଭାଗ । ଗତକାଲି ଡିଏନ ମୁଖ୍ୟ ଜଗଦୀଶ ନାୟକ ଓ ତାଙ୍କ ଲିଗାଲ ଅଫିସର ଚନ୍ଦ୍ରଶେଖର ପଣ୍ଡାଙ୍କୁ ମୁହାଁମୁହିଁ ଜେରା କରିଥିଲା ଆଇଟି । ଆୟକର ଫାଙ୍କିବା ଅଭିଯୋଗକୁ ମିଛ କହିଛଣ୍ତି ଜଗଦୀଶ । ମାତେ ଆୟକର ବିଭାଗ କିଛି ପ୍ରଶ୍ନ କରିନି କହିଛନ୍ତି ଜଗଦୀଶ । ଏପର୍ଯ୍ୟନ୍ତ ୩୨ କୋଟିରୁ ଅଧିକ ଟଙ୍କା ଜବତ କରିଛି ଆଇଟି ବିଭାଗ ।
ଏଥିସହ ଗୁରୁତ୍ୱପୁର୍ଣ୍ଣ ଦସ୍ତାବିଜ ମଧ୍ୟ ଜବତ କରିଛି । ଜଗଦୀଶ ନାୟକ ଗଣମାଧ୍ୟମ ସାମ୍ନାରେ ପ୍ରତିକ୍ରିୟା ରଖିଥିବା ବେଳେ ଚନ୍ଦ୍ରଶେଖର ପଣ୍ଡା କୌଣସି ପ୍ରତିକ୍ରିୟା ରଖିନାହାନ୍ତି । ତେବେ ଜବତ ହୋଇଥିବା ଟଙ୍କା ଓ ଗୁରୁତ୍ୱପୂର୍ଣ୍ଣ କାଗଜପତ୍ରକୁ ନେଇ ଖୋଳତାଡ଼ କରିଛି ଆୟକର ବିଭାଗ। କେଉଁଠୁ ଆସିଲା କୋଟି କୋଟି ଟଙ୍କା, କେତେ ଟଙ୍କାର ଟିକସ ଫାଙ୍କିଛନ୍ତି ସେ ନେଇ ସବୁ ତଦନ୍ତ କରିଛି ଆୟକର ବିଭାଗ। ଚଢାଉ ଶେଷ ହୋଇଥିବା ବେଳେ ଆୟକର ବିଭାଗ ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ ।
